У мінскіх прадпрыемстваў папрасілі справаздачу аб выкарыстанні новай дзяржаўнай сімволікі
Ці ведалі вы, што ў Беларусі ўжо тры гады новы сцяг?
Журналіст «Радыё Свабода» Франак Вячорка апублікаваў у сваім твітары ліст ад адміністрацыі Першамайскага раёну Мінска да кіраўнікоў прадпрыемстваў, арганізацый і ўстаноў раёну. «Што гэта? «Пагоню» вяртаюць?» — пасмяяўся ён.
«У сувязі са зменай дзяржаўнай сімволікі Рэспублікі Беларусь прашу да 1 чэрвеня 2015 года да 12:00 прадставіць інфармацыю пра зробленую працу», — піша намеснік начальніка адміністрацыі Е. А. Асадчая.
Ад адміністрацыі раёну TUT.BY атрымаў тлумачэнне: дзяржаўны беларускі сцяг на самой справе змяніўся ў 2012 годзе па пастанове Дзяржстандарту.
Змены закранулі паласу з арнаментам: зніклі белыя палі, чырвоны арнамент расцягнуўся ва ўсю шырыню паласы. У астатнім сцяг застаўся такім жа чырвона-зялёным.
***
Першым сцягам Рэспублікі Беларусь быў бел-чырвона-белы, прыняты ў 1991 годзе. Да таго бел-чырвона-белы сцяг выкарыстоўваўся Беларускай Народнай Рэспублікай у 1918—1919 гг. У 1995 годзе па выніках рэферэндуму дзяржаўным стаў незначна мадыфікаваны сцяг БССР — чырвона-зялёны з паласой арнаменту, але без сярпа і молата.
Арнамент на чырвона-зялёным сцягу быў вытканы ў 1917 годзе Матронай Маркевіч, сялянкай з Віцебшчыны. На сцягу БССР 1951—1991 гг. белы арнамент размяшчаўся на чырвоным фоне з чырвонымі палоскамі па баках ад арнаменту, на сцягу 1995—2012 гг. — ужо чырвоны арнамент на белым фоне з белымі палоскамі. Цяпер белых палосак няма.
Чытайце таксама: Рэферэндум 1995 года: як асабістыя амбіцыі і страхі пераважылі нацыянальныя каштоўнасці — хроніка і кадры
Цяпер чытаюць
У беларусаў Польшчы былі прычыны не галасаваць за Тшаскоўскага23
Каментары