Міліцыя расшуквае пару, якая вынесла з крамы аўталямпачкі і жаночыя трусы ВІДЭА
24 красавіка каля 12.00 у гіпермаркеце АЛМІ на праспекце Касманаўтаў у Гродне мужчына і жанчына здзяйснялі пакупкі. Яны хадзілі па гандлёвай зале і клалі тавар у кошык. За частку рэчаў расплаціліся, а вось за лямпачкі і трусы вырашылі грошай не аддаваць. На відэа бачна (на працягу першай хвіліны) як мужчына ўпотай дастае з каша тавар і перакладае яго пад куртку і ў кішэню штаноў.
Супрацоўнікі аховы гіпермаркета ўбачылі дзіўныя маніпуляцыі грамадзян і накіравалі камеру відэаназірання на іх. Аднак на выхадзе пара падзялілася і ім удалося схавацца.
Калі вы пазналі мужчыну і жанчыну на відэа, паведамце па тэлефонах: 8 (029) 753-87-53, 79-78-05 або 102. Самім жа грамадзянам рэкамендуюць прыйсці ў міліцыю і даць тлумачэнні.
Каментары