Галоўны архітэктар Мінска Павел Лучыновіч распавёў аб заўважных будынках, якія ў будучыні з'явяцца ў сталіцы. Пра гэта ён распавёў у эфіры тэлеканала АНТ.
Лучыновіч адзначыў, што ёсць некалькі некалькі прапаноў па забудове ландшафтна-рэкрэацыйнай зоны ў раёне гасцініцы «Беларусь».
— Адна праца заслугоўвае асаблівай увагі, — сказаў ён. - Але галоўная наша задача — тое, пра што казаў кіраўнік дзяржавы - не перагрузіць гэтую тэрыторыю. Гэта ні ў якім разе не жылая функцыя, не вытворчая. Вось у гэтым месцы, дзе знаходзілася бісквітная фабрыка, мы, магчыма, зробім вялікі магутны кангрэс-хол.
Праз дарогу ад музея Вялікай Айчыннай вайны на праспекце Пераможцаў размесціцца новы будынак Нацыянальнага гістарычнага музея.
Праект новага будынка Нацыянальнага гістарычнага музея. Тэлеканал АНТ / youtube.com
На скрыжаванні праспекта Пераможцаў з вуліцай Арлоўскай з'явіцца новы аб'ект — так званы, усесезонны лыжны манеж.
— Мінчукі змогуць катацца на лыжах у любы час года, нават летам. Мне здаецца, гэта будзе дастойны аб'ект для горада, — сказаў галоўны архітэктар.
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары