Аляксандр Лукашэнка падарыў лідарам краін СНД да Новага года эксклюзіўныя ёлачныя шары ручной працы, а Пуціну — сала з бульбай. Пра гэта прэс-сакратарка кіраўніка дзяржавы Наталля Эйсмант распавяла ў эфіры вячэрняга шоу «Макаёнка, 9».
У адміністрацыі прэзідэнта доўга думалі над рознымі варыянтамі падарункаў для кіраўнікоў дзяржаў і ў выніку спыніліся на ўнікальных ёлачных шарах ручной работы.
Нефармальная сустрэча лідараў Садружнасці адбылася 6 снежня ў Санкт-Пецярбургу, на ёй прэзідэнтам і ўручылі падарункі з Беларусі.
«Такія шары цяпер вісяць на навагодніх ялінках ва ўсіх лідараў краін СНД», — сказала Эйсмант.
Уладзіміру Пуціну Лукашэнка прэзентаваў сала і некалькі элітных гатункаў бульбы, прычым кожны з іх прызначаецца для гатавання канкрэтных страў. Як патлумачыла Наталля Эйсмант, Пуцін сам папрасіў пра гэтыя падарункі, адказваючы на пытанне Лукашэнкі, што яму яшчэ падарыць на Новы год.
Цяпер чытаюць
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары