«Ляцелі вельмі нізка». Лукашэнка прызнаў пралёт дронаў над Беларуссю
Лукашэнка падчас размовы з жыхарамі аграгарадка Парахонск расказаў, як падчас яго палёту над Беларуссю былі заўважаныя беспілотнікі.
«Каб адмесці ўсякія інсінуацыі з нагоды майго верталёта, дронаў і іншага: гэта не мае праблемы, гэта праблемы Службы бяспекі. Хай яны глядзяць, дзе дроны лётаюць і куды верталёту прэзідэнта ляцець. Я сапраўды да гэтага так стаўлюся», — падкрэсліў Аляксандр Лукашэнка.
Паводле яго слоў, калі раніцай, перад вылетам у Пінскі раён, яму сталі дакладваць аб сітуацыі і надвор'і, ён запатрабаваў абмяркоўваць гэтыя пытанні непасрэдна з пілотамі і разам з імі прымаць рашэнне. У выніку было вырашана адкласці вылет на гадзіну ў сувязі з неспрыяльнымі ўмовамі надвор'я.
«Гляджу, ляцелі яны вельмі нізка, незвычайна нізка. Напэўна, каб электроннымі сродкамі з Украіны было не відаць. Вядома, яны верталёт бачаць: ён жа вялікі, гэта не беспілотнік. Нармальна прыляцелі. Таму я тут асабліва не паруся, як у народзе кажуць, з гэтай нагоды.
І потым, ведаеце: збіць верталёт прэзідэнта — гэта вайна, якая ўкраінцам не патрэбна. Таму я ня думаю, што ва Украіне тыя, хто прымае рашэнні, заклапочаныя гэтай праблемай. Хоць, вядома, што тут казаць, гэта непрыемна», — цытуе яго БелТА.
Лукашэнка адзначыў, што ў Беларусь залятаюць беспілотнікі і з Расіі.
«Некалькі выпадкаў такіх было і з боку Расеі, і з боку Украіны. Шмат мы збіваем. Мы не глядзім, гэта расійскія ці ўкраінскія», — цытуе яго БелТА.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары