Будаўніцтва новага тэрмінала ў Нацыянальным аэрапорце плануецца пачаць у 2021 годзе. Пра гэта ў інтэрв'ю газеце «Рэспублiка» расказаў міністр транспарту і камунікацый Аляксей Аўраменка.
Міністр адзначыў, што сёлета пачнецца рэалізацыя праекта па арганізацыі чыгуначных зносін паміж Мінскам і Нацыянальным аэрапортам (гаворка пра запуск аэраэкспрэса), які цесна звязаны з перспектывамі далейшага развіцця аэрапорта. У першую чаргу — з будаўніцтвам новага тэрмінала.
«Дзеючы тэрмінал разлічаны на 7 млн пасажыраў. Пры існуючай дынаміцы росту пасажыраабароту да 2022 года мы выйдзем на максімум. Таму і ставім сабе задачу ў 2021 годзе прыступіць да будаўніцтва новага тэрмінала», — сказаў Аляксей Аўраменка.
Каментары