Сярэдні заробак — $2500, ВУП — $32 тысячы на чалавека. Міністарка эканомікі ва ўрадзе Ціханоўскай прэзентавала стратэгію на 10 гадоў
Прадстаўніца Аб’яднанага пераходнага кабінета Беларусі па эканамічных рэформах Аліса Рыжычэнка прэзентавала ў Варшаве доўгатэрміновую Стратэгію эканамічнага развіцця дэмакратычнай Беларусі да 2035 года.
«У аснове нашай стратэгіі ляжыць ідэя трайнога прыярытэту: рэформа сістэмы адукацыі і навукі павінна ісці паралельна з паскораным тэхналагічным развіццём эканомікі. Гэтыя тры напрамкі ўзаемна ўмацоўваюць адзін аднаго і ствараюць сінергетычны эфект трансфармацыі», — заявіла Аліса Рыжычэнка.
Прадстаўніца эканомікі і фінансаў падкрэсліла, што ў Беларусі няма значных прыродных рэсурсаў, але ёсць тое, што дазволіла квітнець Эстоніі, Ірландыі, Ізраілю і Сінгапуру:
«У нас ёсць адукаваныя, таленавітыя людзі і здольнасць хутка адаптаваць сучасныя тэхналогіі. Менавіта спалучэнне чалавечага капіталу і тэхналагічнага прарыву павінна стаць фундаментам нашага будучага эканамічнага развіцця».
Паводле слоў Алісы Рыжычэнкі, сённяшняя сітуацыя крытычная: «Сістэма адукацыі дэградуе, навука знаходзіцца на мяжы калапсу, тэхналагічнае адставанне толькі нарастае».
Аднак дэмакратычны пераход, па яе словах, адкрывае «ўнікальнае акно магчымасцей».
Стратэгія прадугледжвае тры паралельныя трэкі:
— адукацыя: фінансаванне да 6—7% ВУП, радыкальнае павышэнне зарплат педагогаў, мадэрнізацыя праграм.
— навука і інавацыі: стварэнне даследчых цэнтраў, інтэграцыя з універсітэтамі і бізнэсам, выдаткі на R&D — 2—3% ВУП.
— тэхналагічнае развіццё: поўная лічбавізацыя эканомікі, рост IT-сектара да 15% ВУП, развіццё высокатэхналагічных вытворчасцяў.
«Да 2035 года Беларусь здольная дасягнуць ВУП на душу насельніцтва ў 28—32 тысячы даляраў ЗША — гэта ў чатыры разы вышэй за цяперашні ўзровень. IT-сектар будзе складаць 15% ВУП замест 3%, высокатэхналагічны экспарт — 25% замест 3%, сярэдняя зарплата дасягне 2000—2500 даляраў, а вытворчасць працы вырасце ўдвая», — падсумавала Аліса Рыжычэнка.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ6
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
вось толькі ў краіне гэтай цудоўнай не давядзецца жыць ні табе, ні мне