Памёр намеснік міністра замежных спраў і амбасадар у ЗША Алег Краўчанка
Памёр намеснік міністра замежных спраў, прызначаны ў ліпені паслом Беларусі ў ЗША Алег Краўчанка. Пра гэта Tut.by паведаміў прэс-сакратар МЗС Анатоль Глаз.
Алегу Краўчанку было 49 гадоў. Аб прычынах смерці не паведамляецца.
Алег Краўчанка нарадзіўся ў 1971 годзе ў Мінску. Скончыў юрыдычны факультэт БДУ, аспірантуру Інстытута філасофіі і права Нацыянальнай акадэміі навук Беларусі. Кандыдат юрыдычных навук.
Дыпламатычную службу пачаў у 1994 годзе ў якасці аташэ, а затым займаў розныя пасады ў аддзеле дагаворна-прававога ўпраўлення Міністэрства замежных спраў. У 1999-м быў прызначаны дарадцам Амбасады Рэспублікі Беларусь у Швецыі, з 2003-га працаваў у аддзеле ўпраўлення гуманітарнага супрацоўніцтва і правоў чалавека МЗС. Затым працягнуў кар'еру ў амбасадзе Беларусі ў ЗША.
20 ліпеня 2020 года Краўчанку прызначылі паслом Беларусі ў ЗША, але ён так і не быў адкамандзіраваны ў ЗША. Ён да апошняга выконваў абавязкі намесніка кіраўніка МЗС.
Нагадаем, беларускага амбасадара ў Амерыцы не было 12 гадоў. Да «пахаладання» ў двухбаковых адносінах Краўчанка ўжо працаваў у амбасадзе Беларусі ў ЗША. У 2007 годзе ён быў дарадцам амбасады Беларусі ў ЗША, з 2008-га па 2014-ы — часовым павераным у справах Беларусі ў ЗША.
У 2014 годзе Краўчанка вярнуўся ў Мінск і ўзначальваў аддзел ЗША і Канады ўпраўлення Амерыкі, а затым — упраўленне Амерыкі МЗС. На пасаду міністра быў прызначаны ў 2017 годзе.
Апошнія некалькі гадоў Алег Краўчанка не раз наведваў Вашынгтон з афіцыйным візітам і прадстаўляў Беларусь на розных перамовах і сустрэчах з амерыканскімі калегамі.
Цяпер чытаюць
18‑гадовага хлопца абвінавацілі ў адмаўленні генацыду беларускага народа20
18‑гадовага хлопца абвінавацілі ў адмаўленні генацыду беларускага народа
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы88
Каментары