Келаг назваў два пытанні, якія патрэбна вырашыць, каб зрушыліся перамовы па Украіне
Спецпасланнік прэзідэнта ЗША Кіт Келаг заявіў, што здзелка па Украіне знаходзіцца на фінішнай прамой. І назваў два пункты, якія замінаюць заключыць пагадненне.
Спецпрадстаўнік Трампа, які сыходзіць з пасады, кажа, што нявырашанымі застаюцца пытанні прыналежнасці Запарожскай АЭС і Данецкай вобласці.
«Апошнія 10 метраў да мэты самыя цяжкія… Я насамрэч мяркую, што нам засталіся некалькі пытанняў, а менавіта Данецкая вобласць і Запарожская АЭС. Думаю, калі мы ўрэгулюем гэтыя два пытанні, астатняе таксама выдатна складзецца», — заявіў Келаг на форуме ў цэнтры Рэйгана ў Каліфорніі.
Келаг таксама дадаў, што Вашынгтон не будзе накіроўваць сваіх вайскоўцаў на тэрыторыю Украіны.
У якасці магчымых інструментаў ціску на Расію спецпасланнік назваў эканамічныя меры. Да іх ён у якасці прыкладу аднёс барацьбу з «ценявым флотам».
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?7
Каментары