Крыніцы: Дзяржава хацела б прадаць МТС туркам, рускія не супраць
«Нашай Ніве» стала вядома, што абмяркоўваецца магчымасць продажу сотавага аператара МТС, 51% акцый якога належыць дзяржаве ў выглядзе «Белтэлекама», а яшчэ 49% — расійскім «Мабільным тэлесістэмам».
Як паведамляюць крыніцы, разглядаецца продаж беларускага МТС адной з турэцкіх кампаній. Разам з МТС улады хацелі б прадаць і Белтэлекам (Белтэлекам называецца адной з цэляў для пятага пакета санкцый).
Крыніцы: У новым пакеце санкцый могуць быць пяць банкаў, уключна з Банкам развіцця, а таксама дрэваапрацоўка і Белтэлекам
«Рускія не супраць гэтай угоды, іх ужо так дапякла гэтая беларуская гісторыя і вечнае чаканне горшага, што яны нават гатовыя дапамагчы беларусам прадацца, каб далей ім займаўся нехта іншы.
Сума ўгоды вельмі залежыць ад умоваў, як яны дамовяцца прадаваць — толькі беларускую частку або беларускую разам з расійскай, гэта ўсё з Белтэлекамам або без яго.
За беларускую долю хочуць 300 мільёнаў даляраў, але гэта малаімаверная сума, бо прадаць актыў у Беларусі ўжо даволі складана. Спрашчае сітуацыю тое, што туркі ўжо прысутнічаюць на рынку, Life належыць Turkcell», — паведамляюць нам абазнаныя крыніцы.
Нагадаем, учора ў МТС-Беларусь змяніўся дырэктар. Шматгадовага кіраўніка Уладзіміра Карповіча змяніў сын чыноўніка Уладзіміра Андрэйчанкі, Уладзіслаў. Маскоўскія акцыянеры, роўна як і менеджмент кампаніі, даведаліся пра гэтае прызначэнне з БЕЛТА.
Сын кіраўніка Палаты прадстаўнікоў Андрэйчанкі стаў дырэктарам МТС
Дапоўнена
Пасля выхаду публікацыі «Нашай Ніве» стала вядома, што сярод тых, каму могуць прапанваць беларускую частку МТС пакупнікоў ёсць таксама і азербайджанская кампания Bakcell.
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы12
Каментары