«Vam — zadańnie» Juryja Biaržyckaha błahoje nastolki, što nia moža nia vyklikać asałody, choć vajskovyja filmy apošnich hadoŭ paznačajucca, prynamsi, niejkimi prymietami prafesijnaści.
Hałoŭny hieroj karciny — asabist (Vital Chodzin) — napiaredadni vajny traplaje ŭ Zachodniuju Biełaruś, dzie zmahajecca z bandaju kiepskaha pana-palaka, ženicca, udzielničaje padčas vajny va ŭračystych pieramohach, naprykancy viartajecca — i dabivaje voraha. Kažuć, što navat Mikałaj Čarhiniec, aŭtar ramanu, pavodle jakoha zdymaŭsia film, nia byŭ zadavoleny karcinaj.
Film dynamičny: namioki na čałaviečaje adrazu vykaraniajucca manumentalnaju prapahandaju. Asabliva trapnymi padajucca kadry z vajskovaj statystykaj, jakija źjaŭlajucca ŭ karcinie ni z puščy ni z pola. A pryznańnie ŭ kachańni asabista-žanicha hučyć jak zaklik da niaviesty dabivać pana-voraha.
Scena spaleńnia ludziej žyŭcom pastaŭlenaja tak, što kamedyjohrafy kusali b łokci ad zajzdraści: płač i voj źmianiajecca radasnym napadam na supastataŭ; i tak ščaśliva zdarajecca, što
adziny zahibły — panski synok. Kali pan-zdradnik zalivajecca ślaźmi, hraje na pijanina i vysłuchoŭvaje demahohiju susieda-nacysta, karcina dasiahaje svajho apateozu.
U pravincyi na karcinu zhaniajuć školnikaŭ, što całkam niasłušna. Acanić film zdolnyja kinahurmany-cyniki, jakija stamilisia ad mudrahielistaści art-chaŭsu.
«Vam — zadańnie»
Biełaruś, 2004, kalarovy, 75 chv.
Žanr: treš-aficyjoz na vajskovuju temu
Adznaka: pa-za miežami krytyki
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ57
Kamientary