Jarašuk: Dekret №9 — heta prymusovaja praca, i skončycca heta ekanamičnymi sankcyjami
Biełaruskija ŭłady pavinny nieadkładna admianić adyjozny dekret № 9, a taksama dekret № 29, pryniać nieabchodnyja miery dla zabieśpiačeńnia zakonnaści, vykanańnia Rekamiendacyj Mižnarodnaj arhanizacyi pracy (MAP) pa likvidacyi masavych parušeńniaŭ pravoŭ pracoŭnych i prafsajuzaŭ u krainie. Pra heta havorycca ŭ zajavie lidara Biełaruskaha kanhresa demakratyčnych prafsajuzaŭ Alaksandra Jarašuka.
«Padpisany Alaksandram Łukašenka 7 śniežnia hetaha hoda Dekret № 9 «Ab dadatkovych mierach pa raźvićciu drevaapracoŭčaj pramysłovaści» ŭvodzić i robić realnaściu ŭ krainie, jakaja znachodzicca ŭ centry Jeŭropy, prymusovuju pracu, — zajaviŭ lidar niezaležnych prafsajuzaŭ. — Sa spasyłkaj na sumna viadomy dekret № 29 «Ab niekatorych mierach pa ŭmacavańni pracoŭnaj i vykanalnickaj dyscypliny», jaki paciahnuŭ masavy pieravod rabotnikaŭ na terminovyja pracoŭnyja kantrakty, dekret № 9 praduhledžvaje jašče bolš vytančanyja formy dyskryminacyi rabotnikaŭ u pracoŭnych adnosinach».
Na dumku Jarašuka, dekret piarečyć kanviencyjam MAP. Jarašuk nahadvaje, što sproba chunty Mjanmy vykarystoŭvać prymusovuju pracu skončyłasia mižnarodnymi ekanamičnymi sankcyjami suprać krainy.
Prafsajuzny lidar zaklikaje admianić dekrety № 9 i 29.
Kamientary