Minkult: Mierapryjemstvaŭ u honar Paŭstańnia 1863 h. na dziaržaŭnym uzroŭni nie płanujecca
Ministerstva kultury Biełarusi zajaŭlaje, što ahulnarespublikanskich mierapryjemstvaŭ u honar 150-hodździa antyrasijskaha vyzvolnaha Paŭstańnia (1863 h.) tam nie płanujuć.
Tak pres-sakratar Ministerstva kultury Biełarusi Julija Viskub adkazała na prośbu Radyjo Svaboda paznajomić sa śpisam mierapryjemstvaŭ śviatkavańnia 150-hodździa paŭstańnia 1863 hoda:
"Śpisu-płana jak takoha niama. Viedaju, što ciaham hoda ŭ rehijonach buduć prachodzić knižnyja vystavy. Mahčyma, dzie i mastackija vystavy. Ale ŭ nas dakładnaha płana niama".
A jak nakont mierapryjemstvaŭ respublikanskaha ŭzroŭniu?
Viskub:
U nas takoha pakul nie było. Na rajonnym uzroŭni mierapryjemstvy buduć pa ŭsioj krainie. Kštałtu čytańniaŭ.Pra vystavy ciaham miesiaca, dvuch ci troch ja nie viedaju, ale potym, mahčyma, što i budzie. Respublikanskuju prahramu nie prymali, tamu takoha i niama.
Nie pad usie ž uhodki prymajecca prahrama — uhodkaŭ šmat ciaham hodu, i tamu nie pad usio prymajecca prahrama.Ale što niekatoryja mierapryjemstvy buduć, to tak, jany buduć.
Ciapier čytajuć
«Łukašenka prosta nie viedaje». Jabaćku, jaki vykładaŭ u tyktok videa pra bulinh dački, pasadzili na paŭtara miesiaca8
Kamientary