Jeŭrapiejski humanitarny ŭniviersitet (EHU) uhanaravany Premijaj Svabody Atłantyčnaj Rady (Atlantic Council Freedom Award). Cyrymonija ŭznaharodžańnia projdzie 14 červienia va Urocłavie (Polšča).
EHU byŭ zasnavany ŭ 1992 hodzie ŭ Minsku z metaj adradžeńnia vykładańnia i praviadzieńnia navukovych daśledavańniaŭ u halinie humanitarnych i sacyjalnych navuk i papularyzacyi pryncypaŭ humanitarnaj adukacyi ŭ Biełarusi, u tym liku raźvićcia krytyčnaha myśleńnia, tvorčych zdolnaściaŭ i pačućcia asabistaj adkaznaści. U 2004 h. jon byŭ začynieny biełaruskimi ŭładami i adnaviŭ dziejnaść u Vilni.
***
Atłantyčnaja Rada — amierykanskaja arhanizacyja, što maje svajoj metaj raźvićcio transatłantyčnaha supracoŭnictva. Premijaj Svabody Atłantyčnaj Rady ŭhanaroŭvajucca vybitnyja asoby i arhanizacyi, što ŭvasablajuć misiju Rady pa ŭmacavańni centralnaj roli Atłantyčnaj supolnaści ŭ śfiery hłabalnych kaštoŭnaściaŭ.
U 2011 h. premiju Atłantyčnaj rady atrymlivali BAŽ, pravaabarončy centr «Viasna» i Svabodny teatr.
Kamientary