Pra heta paviedamiŭ advakat hiendyrektara «Urałkalija» Źmicier Haračka.
Pierad pačatkam razhladu skarhi advakataŭ adzin z abaroncaŭ Dźmitryj Haračka zajaviŭ žurnalistam, što ŭ vypadku admovy źmianić mieru strymańnia abarona budzie abskardžvać hetaje rašeńnie ŭ vyšejšaj instancyi.
«Mahčymaść jość abskardžvać i dalej, budziem vykarystoŭvać jaje», — skazaŭ Haračka.
Pavodle jaho słoŭ, jon sustrakaŭsia z Baŭmhiertnieram 12 vieraśnia. «Narmalna pačuvajecca, starajemsia pa mahčymaści, kab jon byŭ u kursie taho, što adbyvajecca», — skazaŭ Haračka. Jon udakładniŭ, što ŭ Baŭmhiertniera niama pretenzij pa ŭtrymańni.
Haračka taksama adznačyŭ, što pa mahčymaści, kali heta dazvalajuć umovy ŭtrymańnia ŭ SIZA KDB, usie prośby Baŭmhiertniera vykonvajucca.
Na pytańnie ab tym, ci padavała maci Baŭmhiertniera novaje chadajnictva z prośbaj ab spatkańni, Haračka skazaŭ: «Mama ŭvieś čas choča bačyć syna, a kali choča, to štości zaŭsiody robicca».
Haračka taksama adznačyŭ, što paručycieli Baŭmhiertniera ad svajho paručycielstva nie admaŭlalisia. «Paručycielstva nie abmiežavana ŭ časie, i paručycieli nie admaŭlalisia», — skazaŭ jon.
Advakat nie staŭ adkazvać na pytańnie, ci źviartalisia da jaho abo da inšych abaroncaŭ hiendyrektara «Urałkalija» advakaty Sulejmana Kierymava, u dačynieńni da jakoha ŭ Biełarusi taksama raspačata kryminalnaja sprava.
26 žniŭnia Hienieralnaja prakuratura Biełarusi paviedamiła ab raspačynieńni kryminalnaj spravy ŭ dačynańni da šerahu kiraŭnikoŭ Biełaruskaj kalijnaj kampanii, siarod jakich staršynia nahladalnaha savieta Biełaruskaj kalijnaj kampanii, hiendyrektar «Urałkalija» Uładzisłaŭ Baŭmhiertnier. Jany abvinavačvajucca pa č. 3 art. 424 KK (złoŭžyvańnie ŭładaj i słužbovymi paŭnamoctvami). Baŭmhiertnier byŭ zatrymany ŭ Minsku i ciapier znachodzicca ŭ SIZA KDB.
-
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu
-
«Jak ludzi na takoje viaducca? Dy vielmi prosta». Raspoviedy biełarusaŭ, jakija pracavali telefonnymi ašukancami
-
Aleksijevič pra maršy pratestu: Ciapier było b bolš žorstka, była b kroŭ. A tady my dumali, što heta śviata
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary