Praviadzieńnie ŭ kastryčniku—śniežni 2013 hoda kansultacyj z pradstaŭnikami Mižnarodnaha valutnaha fonud ab mahčymaści atrymańnia finansavańnia ŭ ramkach novaj kredytnaj prahramy praduhledžana płanam sumiesnych dziejańniaŭ pa strukturnym refarmavańni ekanomiki, jaki zaćvierdžany pastanovaj urada i Nacbanka № 895/15 ad 10 kastryčnika.
Praviadzieńnie kansultacyi daručana supracoŭnikam Minfina, Minekanomiki i Nacbanka.
Jak paviedamlałasia raniej, misija MVF budzie znachodzicca ŭ Minsku z 17 pa 28 kastryčnika dla praviadzieńnia postprahramnaha manitorynhu. Akramia taho, pavodle najaŭnych źviestak, u treciaj dekadzie kastryčnika Biełaruś płanuje naviedać i misija Antykryzisnaha fondu JeŭrAzES (AKF), u jakoha Biełaruś z 2011 hoda atrymlivaje šaściu tranšami kredyt na ahulnuju sumu 3 młrd. dołaraŭ.
Biełaruskija ŭłady raniej vykazvali žadańnie pryciahnuć novyja kredyty jak z boku Mižnarodnaha valutnaha fondu, tak i ŭ Antykryzisnaha fondu JeŭrAzES.
Na dumku ekśpiertaŭ, sumiesny płan pa strukturnym refarmavańni ekanomiki ad 10 kastryčnika, jaki pryniali ŭrad i Nacbank, moža być taktyčnym krokam, nakiravanym dla atrymańnia novych kredytaŭ.
«Jak viadoma, kredytory ŭ jakaści ŭmovy vydzialeńnia hrošaj vyłučajuć refarmavańnie biełaruskaj ekanomiki», — nahadaŭ finansavy analityk aficyjnaha partniora «Alpary» ŭ Biełarusi Vadzim Iosub.
Pry hetym jon dapuskaje, što siarod raspracoŭščykaŭ płana sumiesnych dziejańniaŭ mahli być i čynoŭniki — prychilniki reform.
«U padrychtoŭcy płana ŭdzielničali pradstaŭniki roznych dziaržorhanaŭ. Siarod ich mohuć być i tyja, chto ščyra ŭśviedamlaje nieabchodnaść reform, i inšyja asoby, jakija razhladajuć padrychtavany dakumient jak taktyčny krok, nakiravany na atrymańnie novych kredytaŭ», — miarkuje Iosub.
Ekśpiert nahadaŭ, što ŭ papiarednija hady aficyjnyja płany pa refarmavańni ekanomiki taksama rychtavalisia mienavita tady, kali ekanamičnaja situacyja ŭ krainie stanaviłasia ciažkaj.
Jak paviedamlałasia raniej, urad i Nacbank pryniali 10 kastryčnika sumiesnuju pastanovu pa strukturnym refarmavańni ekanomiki. Sumiesny płan dziejańniaŭ, u pryvatnaści, uklučaje maštabnyja miery pa pryvatyzacyi dziaržułasnaści, abmiežavańni kredytavańnia dziaržprahram, refarmavańni piensijonnaj sistemy.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami53
Kamientary