1 listapada ŭvajšła ŭ siłu novaja redakcyja instrukcyi ab paradku refinansavańnia Nacyjanalnym bankam bankaŭ Biełarusi ŭ formie kredytaŭ, zabiaśpiečanych załoham kaštoŭnych papier. Dakumient zaćvierdžany pastanovaj praŭleńnia Nacbanka ad 7 kastryčnika 2013 hoda № 579.
Jak paviedamili ŭ pres-słužbie Nacbanka, hetaja instrukcyja dapoŭniena normami, što rehulujuć paradak vydzialeńnia Nacyjanalnym bankam kredytaŭ pad załoh kaštoŭnych papier, naminavanych u zamiežnaj valucie: vyznačana mietodyka acenki koštu kaštoŭnych papier, naminavanych u zamiežnaj valucie, dla praviadzieńnia ź imi apieracyj u biełaruskich rublach; praduhledžany miechanizm pieraacenki koštu kaštoŭnych papier, naminavanych u zamiežnaj valucie, i karekciroŭki abjomu załohu ŭ vypadku źmieny aficyjnaha kursu biełaruskaha rubla ŭ dačynieńni da adpaviednaj zamiežnaj valuty bolš čym na 10% u paraŭnańni z kursam na datu papiaredniaj acenki koštu kaštoŭnych papier; adlustravany inšyja asablivaści apieracyj z hetym vidam kaštoŭnych papier.
U cełym paradak i ŭmovy vydavańnia Nacbankam kredytaŭ, zabiaśpiečanych załoham kaštoŭnych papier, zastalisia raniejšymi.
«Uniesienyja źmieny dazvolać pavialičyć u bankach abjom aktyvaŭ, jakija pry nieabchodnaści mohuć być vykarystany ŭ jakaści załohu dla refinansavańnia ŭ Nacyjanalnym banku. Heta budzie sadziejničać pavyšeńniu pryciahalnaści dziaržaŭnych ablihacyj, naminavanych u svabodna kanviersoŭnaj valucie, dla inviestaraŭ», — havorycca ŭ paviedamleńni Nacbanka.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary