Navat miljon podpisaŭ hramadzian Biełarusi pad dakumientam za admienu dziaržpošliny za dopusk da ŭdziełu ŭ darožnym ruchu nie paŭpłyvaje na ŭviadzieńnie zakona.
Takoje mierkavańnie ŭ intervju elektronnamu vydańniu «Ježiednievnik» vykazaŭ sakratar Centrvybarkamu Mikałaj Łazavik.
Nahadajem, na sajcie change.org źbirajucca podpisy pad pietycyjaj, adrasavanaj ministru finansaŭ Andreju Charkaŭcu. Ich tam sabrana dziasiatki tysiač. Łazavik kaža, što heta ŭsio robicca darma, pakolki padobnyja zbory podpisaŭ u internecie rasceńvajucca ŭładami vyklučna jak apytańnie hramadskaj dumki ci sacyjałahičnaje daśledavańnie, ale nie bolš. Tym nie mienš, Mikałaj Łazavik adznačyŭ, što za padobnymi akcyjami sočać.
Kab zbor podpisaŭ nabyŭ jurydyčnuju siłu, nieabchodna vykanać praduhledžanuju praceduru. Łazavik nahadvaje, što dla ŭniasieńnia na razhlad parłamienta niejkaha zakonaprajekta nieabchodna, kab hramadzianie stvaryli i zarehistravali inicyjatyŭnuju hrupu i sfarmulavali pytańnie, jakoje vynosiać na razhlad.
Hety zakonaprajekt musić prajści ŭsie nieabchodnyja ŭzhadnieńni i ekśpiertyzy, tolki paśla hetaha arhanizujecca zbor podpisaŭ. Kali sabranaja dastatkovaja ich kolkaść, zakonaprajekt vynosiać na razhlad parłamienta, ale heta nie značyć, što deputaty jaho padtrymajuć.
Sakratar CVK adznačaje, što možna było b inicyjavać navat praviadzieńnie ŭsienarodnaha refierenduma, ale abmierkavańni, jakija zakranajuć biudžetnuju palityku, na jaho vynosić nielha.
-
Rasijanin, jaki pieramoh u «Faktar.baj», sprabuje chucieńka pradać svoj pryz ad BT — usiedarožnik Belgee
-
Impart aŭto pryvatnikami raście, a ŭ dyleraŭ — padzieńnie prodažaŭ. Tamu dylery chočuć, kab było, jak u Rasii
-
Elektrabum u Biełarusi: Biełstat raskazaŭ, jak za hod vyrasła kolkaść elektramabilaŭ u biełarusaŭ
Byłoha supracoŭnika kontrraźviedki KDB aryštavali za zdradu dziaržavie9
Kamientary