Vajenny sud pryznaŭ hramadzian Biełarusi Fienzielau i Kačuru vinavatymi ŭ špijanažy ŭ intaresach Litvy, paviedamiŭ praz ahienctvy «Interfaks-Zachad» i BiełTA Kamitet dziaržaŭnaj biaśpieki.
«Biełaruskim vajennym sudom 30 śniežnia 2013 vyniesieny prysud hramadzianam Respubliki Biełaruś Fienzielau i Kačuru, jakija ažyćciaŭlali špijonskuju dziejnaść u intaresach Litoŭskaj Respubliki. Za ździajśnieńnie złačynstvaŭ, praduhledžanych č.1 art.356 (zdrada dziaržavie) KK Respubliki Biełaruś, jany prysudžanyja da 10 i 8 hadoŭ pazbaŭleńnia voli adpaviedna», zajaviŭ u intervju ahienctvu «Interfaks-Zachad» kiraŭnik pres-słužby KDB Artur Strech.
Fienzielau i Kačuru zatrymali ŭ sakaviku 2012 hoda.
Fienzielau — były vajskoviec, jaki paśla zvalnieńnia ź biełaruskich Uzbrojenych sił u 2002 vyjechaŭ na pastajannaje miesca žycharstva ŭ Litvu. Pavodle infarmacyi KDB, «ad litoŭskaj vajskovaj raźviedki jon atrymaŭ zadańnie na stvareńnie na terytoryi Biełarusi ahienturnaj sietki, zdolnaj ažyćciaŭlać zbor źviestak ab funkcyjanavańni VPS i vojskaŭ SPA Biełarusi. U intaresach realizacyi złačynnaj zadumy jamu ŭžo jak rezidentu litoŭskimi śpiecsłužbami było akazana finansavaje spryjańnie ŭ arhanizacyi na biełaruskaj terytoryi kamiercyjnaha prajekta».
U vyniku praviedzienych apieratyŭna-vyšukovych mierapryjemstvaŭ «kanfiskavanyja elektronnyja nośbity, inšyja pradmiety i materyjały, jakija vykryvajuć ich špijonskuju dziejnaść, nakiravanuju na atrymańnie sakretnaj infarmacyi ŭ vajskovaj śfiery, u tym liku ŭ ramkach adzinaj sistemy biaśpieki sajuznaj dziaržavy». Dakumientalna byli paćvierdžany fakty praviadzieńnia ahienturnaj hrupaj apieracyj pa zdabyčy infarmacyi z vykarystańniem techničnych srodkaŭ, z metaj dalejšaj pierapraŭki źviestak za miažu.
Pa zaklučeńni ekśpiertaŭ, «sabranyja i padrychtavanyja dla pieradačy litoŭskaj śpiecsłužbie materyjały adnosiacca da źviestak, što składajuć dziaržaŭnyja sakrety Respubliki Biełaruś», — padsumoŭvaje KDB.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary