Impart syraviny dazvoleny tolki z Rasiei.
Ad 17 sakavika ŭ Biełarusi dziejničaje inicyjavanaja Ministerstvam sielskaj haspadarki i charču zabarona impartu miasa. Rezydenty SEZ, što specyjalizujucca na pierapracoŭcy miasa, vymušany ad sakavika nabyvać tolki ajčynnuju syravinu. U pačatku minułaha miesiacu jany sutyknulisia z deficytam śvininy, što adhuknułasia na abjomach vytvorčaści, paviedamlaje ekanamičny tydniovik «Biełorusy i rynok». U pryvatnaści bieraściejskaje pradpryjemstva «Inka-Fud», jakoje tolki pačało prystasoŭvacca da novych umovaŭ dziejnaści, u žniŭni skaraciła vytvorčaść amal u try razy suprać zaplanavanaha, a pradpryjemstva «Inka» vymušana prypyniła dziejnaść. Padobnyja prablemy nazirajucca ŭ SEZ Horadni i Viciebsku.
Pavodle ekspertaŭ, deficyt śvininy vyklikany vyhadnymi ŭmovami ŭ susiedniaj Rasiei, dzie nazirajecca rezki rost popytu i zakupačnych koštaŭ. U takoj sytuacyi zabieśpiačeńnie syravinaj pryvatnych pradpryjemstvaŭ padajecca niepryjarytetnym, ličać u Ministerstvie sielskaj haspadarki i charču. U toj ža čas zabaronu impartu taksama nie źbirajucca skasoŭvać. Kampensavać deficyt niekatorych kampanentaŭ syraviny prapanujecca za košt rasiejskaha rynku, adnak miasa nabyvać pa‑raniejšamu dazvolena tolki ŭ Biełarusi. Kab paźbiehnuć prablemaŭ z syravinaj, namieśnik ministra sielskaj haspadarki i charčavańnia Michaił Savieljeŭ paraiŭ vytvorcam pavialičvać miasny składnik u vytvorčaści pradukcyi, padvyšajučy tym samym i jaho jakaść.
Eksperty ŭ svaju čarhu ličać častkovy dazvoł na impart peŭnych kampanentaŭ syraviny dla miasapierapracoŭčaj vytvorčaści z Rasiei niavyhadnymi. Dazvoł impartu z krainaŭ ES na ich dumku bolš vyhadny — z zachodnimi partnerami daŭno naładžanyja suviazi, nabyvać syravinu ŭ ich tańniej i nadziejniej.
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca4
Kamientary