Zbornaja Biełarusi (hałoŭny trenier — Juryj Šaŭcoŭ) vyjšła ŭ nastupny raŭnd čempijanatu Jeŭropy pa handbole ŭ Danii, vyjhraŭšy siońnia, 17 studzienia, u Čarnahoryi ź likam 29:23 (pieršy tajm — 13:13).
Siarhiej Rutenka zakinuŭ 8 miačoŭ. Siońnia blisnuŭ Ivan Broŭka — 7 miačoŭ, u varotach vydatna zhulaŭ Vital Čarapieńka.
Biełarusy zaniali treciaje miesca ŭ hrupie (śledam za Charvatyjaj i Šviecyjaj) i ŭ nastupnym raŭndzie zhulajuć z alimpijskimi čempijonami Łondana — zbornaj Francyi, a taksama zbornymi Polščy i Rasii.
Hrupa 2: Francyja, Charvatyja — 4, Šviecyja, Polšča — 2, Biełaruś, Rasija — 0.
Raskład: Biełaruś — Polšča (niadziela, 19 studzienia, 17:45)
Biełaruś — Francyja (aŭtorak, 21 studzienia, 20:00).
Biełaruś — Rasija (sierada, 22 studzienia, 17:45).
Z palakami, darečy, biełarusy hulali startavy matč na čempijanacie śvietu pa handbole ŭ minułym hodzie ŭ Ispanii i dali boj, sastupiŭšy ź likam 22:24.
Dźvie kamandy z hrupy vychodziać u paŭfinał. Kamanda, što zojmie 3-je miesca, zhulaje ŭ matčy za 5-6-je miesca sa zbornaj z hrupy 1.
Tut papiaredniaje stanovišča nastupnaje: Ispanija, Danija — 4, Makiedonija — 2, Isłandyja, Vienhryja — 1, Aŭstryja — 0
Nahadajem, što ŭ pieršym matčy ŭ paniadziełak biełarusy prajhrali Charvatyi 22:33, a ŭ sieradu Šviecyi – 22:30.
Biełarusy dvojčy brali ŭdzieł u čempijanatach Jeŭropy: u 1994 h. u Partuhalii jany zaniali 8-je miesca, u 2008 h. u Narviehii – 15-je.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym6
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary