Novapryznačany pradstaŭnik prezidenta Ukrainy ŭ Krymie Siarhiej Kunicyn zajaŭlaje, što v.a. kiraŭnika dziaržavy Alaksandr Turčynaŭ nie ŭvodzić u siłu rašeńnie parłamienta ab admienie zakona ab movach.
Pra heta jon skazaŭ u efiry telekanała ATR ŭ piatnicu viečaram.
«Udałosia pierakanać kiraŭnika dziaržavy — budzie nakładziena vieta na zakon ab movach. Novy zakon ab movach budzie ŭniesieny», — skazaŭ Kunicyn.
Nahadajem, što 23 lutaha Viarchoŭnaja Rada Ukrainy admianiła zakon ab asnovach dziaržaŭnaj moŭnaj palityki ad 3 lipienia 2012 h aŭtarstva rehijanała Vadzima Kaleśničenki.
Zakon 2012 h. praduhledžvaŭ mahčymaść aficyjnaha dvuchmoŭja ŭ rehijonach, dzie kolkaść nacmienšaściaŭ pieravyšaje 10%. Paśla ŭstupleńnia ŭ siłu zakona šerah abłasnych i miascovych radaŭ pryniali rašeńnie ab pryznańni rasijskaj movy rehijanalnaj. Taksama rehijanalnymi ŭ zachodnich rehijonach byli pryznana vienhierskaja, małdaŭskaja i rumynskaja movy.
Admiena zakona 23 lutaha 2014 h. vyklikała piarečańni ŭ hramadstvie, u tym liku i siarod ukrainskaj intelihiencyi, jakaja zaklikała nie dzialić ukraincaŭ pavodle moŭnaj prykmiety.
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča10
Kamientary