«Sprahnazavać niemahčyma». U Belavia patłumačyli, čamu palot u Hruziju moža zaniać vosiem hadzin
Usie vychadnyja ŭ sacsietkach abmiarkoŭvali rejs ź Minska ŭ Kutaisi, jaki 22 žniŭnia zamiest zvyčajnych troch z pałovaj hadzin lacieŭ vosiem. Pryčyna — zakryćcio nieba nad rasijskimi rehijonami, praz što samalot rabiŭ kruh praz Kazachstan. Apošnim časam takija situacyi raz-poraz zdarajucca. U Belavia raskazali žurnalistu vydańnia Office Life, jak dziejničajuć u padobnych vypadkach i na kaho kładucca vydatki.
U avijakampanii pryznajuć, što pracujuć u abstavinach, jakija pastajanna źmianiajucca: štodnia atrymlivajuć paviedamleńni pra źmieny ŭ režymie vykarystańnia pavietranaj prastory ŭ asobnych rehijonach Rasii praź bieśpiłotniki. I sprahnazavać hety praces pa zrazumiełych pryčynach niemahčyma.
«Avijakampanija bieśpierapynna manitoryć situacyju, karektuje maršruty i vykonvaje rejsy stroha pa patrabavańniach biaśpieki. Da prykładu, niadaŭna abmiežavańni zakranuli terytoryju maskoŭskaha avijavuzła. U vyniku my vymušana pierahladali płan palotaŭ. Kali da hetaha dadać situatyŭnyja abmiežavańni inšych terytoryj, u vyniku atrymajem pavieličeńnie maršrutaŭ, a ŭ asobnych vypadkach navat nieabchodnaść u techpasadkach», — kamientujuć pradstaŭniki Belavia.
Prablema jašče i ŭ tym, što časta infarmacyja pra zakryćcio zony pavietranaj prastory pastupaje ekipažu prosta padčas vykanańnia rejsa. Karektavać maršrut davodzicca niepasredna ŭ palocie. Padrychtavacca i arhanizavać dadatkovaje charčavańnie dla pasažyraŭ u takim vypadku taksama nie atrymajecca.
«Biezumoŭna, takaja situacyja avijakampaniju nie ciešyć. My niasiem finansavyja vydatki praz pavieličeńnie maršrutaŭ i techničnyja pasadki. Ale, akramia surjoznych dadatkovych vydatkaŭ, zatrymka adnaho rejsa moža pryvieści da zatrymki nastupnaha — praz vysoki siezon i ščylnuju rasstanoŭku parku. Takim čynam, pa łancužku mahčymyja zboi ŭ raskładzie navat na tych napramkach, jakija, zdavałasia b, da zakryćcia pavietranaj prastory dačynieńnia nie majuć», — tłumačać u Belavia.
Admietna, što źmieny ŭ maršrutach nie zaŭsiody vyklikajuć zatrymki. Časam moža być naadvarot, kažuć u avijakampanii:
Naprykład, u subotu, 22 žniŭnia, praz abmiežavańni i vymušany ablot dzionny rejs u i z Kutaisi vykonvaŭsia z techpasadkaj. Ale dzionnyja rejsy pa hetym ža maršrucie 23 i 24 žniŭnia prylacieli navat raniej za zapłanavany čas. Va ŭsich vypadkach paloty vykonvalisia na adnym i tym ža typie samalotaŭ — Boeing. I ŭ cełym pieravažnaja bolšaść rejsaŭ Belavia vylataje pa-raniejšamu zhodna z raskładam.
U kampanii padkreślivajuć, što ŭ vypadku z ablotami prahnazavać raźvićcio padziej abo papiaredžvać pra zatrymki na pierśpiektyvu, na žal, nie atrymajecca:
«My razumiejem, na kolki situacyja dyskamfortnaja dla našych pasažyraŭ, tamu šukajem i znachodzim sposaby, kab vykonvać abaviazacielstvy pierad imi, harantujučy poŭnuju biaśpieku. Kali situacyja patrabuje ablotu, značyć budziem ablatać. Kali patrebnaja techpasadka, značyć vykanajem i dazapravim samalot. Dapuskać navat minimalnuju ryzyku nichto nie stanie».
«Palot zamiest piaci hadzin zaniaŭ dziesiać». Siamja futbalista Alaksandra Hleba nie biez pryhod dalacieła da Stambuła
Zahadka: samalot ź Minska ŭ Kutaisi vylecieŭ svoječasova, ale spaźniŭsia na try hadziny. Dzie ž jon byŭ?
U Minsk budzie lotać luksavaja avijakampanija ź Irana na ŭnikalnym samalocie. Ceny kuślivyja
«Biełavija» karektuje svaje raskłady praź situacyju ŭ Rasii
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary