3 sakavika la budynka Adeskaj abłasnoj administracyi byŭ arhanizavany mitynh praciŭnikaŭ ukrainskaj ułady. Hrupa mitynhoŭcaŭ prarvałasia ŭnutr.
U zale, dzie prachodzić pasiadžeńnie abłasnoj rady, adbyłasia bojka. U joj uziaŭ udzieł, u pryvatnaści, aktyvist ruskaha nacyjanalistyčnaha ruchu Valeryj Kaŭraŭ, jaki sprabavaŭ vystupać z trybuny nasupierak žadańniu deputataŭ.
Lidar prarasijskaj arhanizacyi «Maładziožnaje adzinstva» Anton Davydčanka abviaściŭ patrabavańni da deputataŭ.
Im było prapanavana časova ŭziać na siabie ŭsiu paŭnatu ŭłady ŭ rehijonie, pryniać u svajo padparadkavańnie siłavyja struktury rehijanalnaha ŭzroŭniu — upraŭleńnie ŭnutranych spraŭ, prakuraturu, upraŭleńnie Słužby biaśpieki Ukrainy. «My nie za raskoł Ukrainy. Ale my patrabujem terytaryjalnaj administracyjnaj reformy», — adznačałasia ŭ zajavie mitynhoŭcaŭ.
Udzielniki mitynhu taksama zaklikali pravieści refierendum ab asablivym statusie Adeskaj vobłaści.
Na abmierkavańnie abłrady na hetym fonie byŭ vyniesieny adpaviedny prajekt na refierendum: prapanoŭvałasia vynieści pytańnie ab stvareńni Adeskaj Aŭtanomnaj Respubliki ŭ składzie Ukrainy.
Adnak bolšaści hałasoŭ jon nie nabraŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary