Urad Ukrainy vyrašyŭ pytańnie pryciahnieńnia valuty dla vypłaty pa źniešnich abaviazacielstvach u 2014 hodzie, zajaviŭ ŭčora ministr finansaŭ Ukrainy Alaksandr Šłapak.
«Ja liču, što my možam heta śćviardžać», — skazaŭ Šłapak, adkazvajučy na pytańnie pra toje, ci možna śćviardžać, što ŭrad Ukrainy vyrašyŭ pytańnie z pryciahnieńniem valuty dla vypłaty pa źniešnich abaviazacielstvach sioleta, pieradaje UNIAN.
«Prablem va ŭrada z valutaj, kab zapłacić pa źniešnich abaviazacielstvach, nie budzie nijakich», — padkreśliŭ ministr.
Pavodle jaho słoŭ, Ukraina pryciahvaje dastatkovy abjom finansavańnia na prymalnych umovach. U pryvatnaści, kredyty suśvietnaha banka na 1,5 młrd dalaraŭ pryciahnutyja pa staŭcy 0,9 % hadavych, a jeŭrabondy na 1 młrd dalaraŭ pad dziaržharantyi ZŠA raźmieščany pad 1,85% hadavych.
Šłapak adznačyŭ pavyšanuju cikavaść inviestaraŭ da Ukrainy, niahledziačy na niaspynnaje napružańnie na ŭschodzie krainy.
U pryvatnaści, padčas apošniaha raźmiaščeńnia jeŭrabondaŭ ablihacyi ŭrada Ukrainy kuplali nie tolki piensijnyja fondy, ale i daŭnija partniory, jakija z razumieńniem staviacca da situacyi ŭ krainie.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary