Pačałosia budaŭnictva druhoha enierhabłoka Biełaruskaj atamnaj elektrastancyi, paviedamiŭ namieśnik hienieralnaha dyrektara pa kapitalnym budaŭnictvie RUP «Biełaruskaja AES» Andrej Barkun.
«Raniej byŭ vykapany katłavan i vykanany bietonnyja padrychtoŭki. Ciapier viaducca raboty pa ŭźviadzieńni fundamienta budynka druhoha błoka, — rastłumačyŭ Andrej Barkun. — Na vysokaj stadyi hatoŭnaści znachodzicca reaktarnaje adździaleńnie. Raboty tam iduć poŭnym chodam».
Pavodle słoŭ namieśnika hienieralnaha dyrektara, paralelna z druhim enierhabłokam aktyŭnymi tempami viadziecca budaŭnictva pieršaha. U biahučym hodzie tam zapłanavana vykanać raboty pa budaŭnictvie fundamientnaj plity budynka reaktara da nulavoj adznaki, šachty reaktara — da adznaki plus 7,35 m, unutranaj achoŭnaj kanstrukcyi — da 8 m.
Akramia taho, pradaŭžajecca budaŭnictva abjektaŭ žyllovaj infrastruktury dla rabotnikaŭ BiełAES. Čakajecca, što kolkaść absłuhovaha piersanału da kanca hoda pavialičycca da 3,4 tys. čałaviek (ciapier na budaŭničaj placoŭcy zadziejničana amal 2 tys. rabotnikaŭ).
BiełAES budzie składacca z dvuch enierhabłokaŭ sumarnaj mahutnaściu da 2400 (2ch1200) MVt. Dla jaje budaŭnictva vybrany prajekt «AES-2006», jaki poŭnaściu adpaviadaje mižnarodnym normam i rekamiendacyjam MAHATE. Hienieralnym prajekciroŭščykam i hienieralnym padradčykam źjaŭlajecca abjadnanaja rasijskaja kampanija AAT «NIAEP» - ZAT «ABE». Terminy realizacyi prajekta adlustravany ŭ hienieralnym kantrakcie, jaki praduhledžvaje ŭvod u pramysłovuju ekspłuatacyju pieršaha błoka atamnaj stancyi ŭ listapadzie 2018 hoda.
U listapadzie 2013 hoda na Astravieckaj placoŭcy pačali bietanavańnie fundamientaŭ abjektaŭ pieršaha enierhabłoka Biełaruskaj AES.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić26
Kamientary