U Biełarusi mahčyma dalejšaje skaračeńnie kolkaści kałonij. Pra heta siońnia žurnalistam paviedamiŭ ministr unutranych spraŭ Biełarusi Ihar Šunievič.
«Na praciahu apošnich niekalkich hadoŭ u Biełarusi źnižajecca kolkaść asob, asudžanych da pazbaŭleńnia voli. U absalutnych ličbach — heta minus 10 tys. čałaviek. U suviazi z hetym my paličyli mahčymym skaracić niekatoryja papraŭčyja ŭstanovy zakrytaha typu. Pakul havorka idzie pra dźvie takija kałonii. Adnak pierakanany, što pry takoj dynamicy budzie mahčymaść u budučyni stavić pytańnie ab skaračeńni jašče niekalkich vypraŭlenčych ustanoŭ», — adznačyŭ Ihar Šunievič.
Ministr raskazaŭ, što pa hetych ža pryčynach u Biełarusi płanujecca skaracić kolkaść papraŭčych ustanoŭ adkrytaha typu. Z najaŭnych 50 płanujecca pakinuć tolki 29.
«My aptymizujem sistemu papraŭčych ustanoŭ. Z adnaho boku, heta ekanomija, a z druhoha — dadatkovyja resursy i mahčymaść raźvivacca pa roznych napramkach słužbovaj dziejnaści. Usio heta prachodzić u ramkach refarmavańnia Ministerstva ŭnutranych spraŭ, asnoŭnaja stadyja jakoha budzie skončana ŭžo ŭ hetym hodzie», — raspavioŭ Ihar Šunievič.
Ukaz № 242 «Ab udaskanaleńni dziejnaści kryminalna-vykanaŭčaj sistemy Ministerstva ŭnutranych spraŭ», jaki aptymizuje kryminalna-vykanaŭčuju sistemu, Alaksandr Łukašenka padpisaŭ 28 maja. Dakumientam praduhledžana likvidacyja, rearhanizacyja i stvareńnie šerahu arhanizacyj kryminalna-vykanaŭčaj sistemy i lačebna-pracoŭnych prafiłaktoryjaŭ. U pryvatnaści, likvidavanyja dźvie papraŭčyja kałonii ŭ Mahilovie i Navapołacku. Na ich bazie, a taksama filijała lačebna-pracoŭnaha prafiłaktoryja №4 u Viciebsku buduć stvorany try ŁPP.
Vaskrasienski patłumačyŭ, što Łukašenka choča ŭ abmien na palitviaźniaŭ. I pachvaliŭ Usava, Bałkunca i Harbunovu27
Kamientary