U vydaviectvie «Limaryjus» vyjšaŭ zbornik navukovych artykułaŭ, pryśviečany 75-hodździu prafesara Adama Maldzisa.
Biełaruś i biełarusy ŭ prastory i časie. / Zbornik da 75‑hodździa prafiesara Adama Maldzisa. Pad redakcyjaj Siarhieja Zaprudskaha, Alaksandra Fiaduty, Zachara Šybieki. Minsk: Limaryus, 2007. - 442 s.
«Vydaviecki darobak MAB, da pamnažeńnia jakoha tak udała spryčyniŭsia Jubilar, pakul nie maje knih, vydadzienych u honar žyvych i aktyŭna pracujučych, dziejnych aŭtaraŭ. Pieravažaŭ — i pa zrazumiełych pryčynach budzie pieravažać dalej — svojeasablivy «miemaryjalny» ŭchił: pracy, vydadzienyja da jubilejaŭ Skaryny i Mickieviča, Puškina i Karatkieviča, Syrakomli i Hiedrojca. My niejak pryvykli dumać, što vialikija — heta nieadmienna tyja, kahho z nami niama…», ‑‑ napisaŭ u pradmovie staršynia Mižnarodnaj asacyjacyi biełarusistaŭ Siarhiej Zaprudzki.
Vialikafarmatny zbornik, jaki źmiaščaje artykuły, napisanyja z nahody jubileju prafesara Maldzisa, biblijahrafičnyja materyjały i navukovyja daśledavańni, siarod inšaha maje na mecie pakazać, što tytany — heta nie abaviazkova tyja, chto ŭžo pakinuŭ śviet. Čytač acenić raznafarbnaść navukovaj, metadalahičnaj i publicystyčnaj palitry prapanavanych u hetym zborniku artykułaŭ, zaznačajecca ŭ anatacyi da knihi.
Zbornik padzieleny na piać sensavych častak: «Maldzisiana», «Staražytnaja Biełaruś», «Biełarusy ŭ XIX st.», «Biełaruś u XX‑XXI stst.», «Diaspora». Artykuły nadrukavanyja ŭ biełaruskaj, rasiejskaj, polskaj, litoŭskaj, anhielskaj, niamieckaj movach.
Siarod aŭtaraŭ: Anatol Hryckievič i Uładzimier Konan, Vitaŭt Kipiel i Alma Łapinskienie, Ivan Savierčanka i Andraš Zołtan, Zachar Šybieka i Alžbieta Smułkova, Janka Zaprudnik i Siarhiej Chareŭski, Arnold MakMilin i Ryšard Radzik, Alena Hłahoŭskaja i Viačasłaŭ Čamiarycki — usiaho pad 50 aŭtaraŭ.
Pry kancy listapada ŭ «Biełaruskim knihazbory» pavinny vyjści «Vybranyja tvory» A. Maldzisa — i prezentacyja abiedźviuch knih projdzie razam. Pra čas i miesca budzie paviedamlena dadatkova.
Knihu ž «Biełaruś i biełarusy ŭ prastory i časie» možna nabyć u Akademknizie.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary