Zvyš za sotniu žycharoŭ musulmanskaj vioski zahinuli, ratujučysia ŭciokami ad mižrelihijnaj raźni. Łodka, na jakoj płyli u asnoŭnym žančyny i dzieci, pieraviarnułasia, što nie pakinuła pasažyram šancaŭ na vyžyvańnie, paviedamlaje Agence France-Presse.
«My atrymali paviedamleńnie, što kala 100 žančyn i dziaciej, sprabujučy ździejśnić ucioki ź vioski, patanuli ŭ Dampary, kali ich łodka pieraviarnułasia», — raspavioŭ kiraŭnik miascovaj administracyi Isuaku Adamu.
Sutyknieńni pamiž musulmanami i chryścijanami adbylisia ŭ pasieliščy Dampar, štat Taraba, na ŭschodzie krainy. Niekatoryja žychary vioski pasprabavali ŭciačy i sieli ŭ łodku, jakaja pavinna była dastavić ich na supraćlehły bierah raki. Adnak uzbrojeny mužčyna, jaki, jak miarkujecca, naležaŭ da chryścijanskaha ruchu «Tarok», streliŭ u paromščyka. U vyniku sudna nachiliłasia i pieraviarnułasia. U dadzieny momant ratavalniki zajmajucca pošukam cieł. Usiaho ŭ vyniku raźni ŭ vioscy zahinuli 12 čałaviek.
Uzbrojeny kanflikt pamiž chryścijanami i musulmanami ŭ Nihieryi pačaŭsia piać hadoŭ tamu. Isłamisty z hrupoŭki «Boka Charam» zmahajucca za ŭviadzieńnie šaryjatu na ŭsioj terytoryi krainy.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary