Apazicyjanieru, jaki trymaŭ haładoŭku na Akreścina, vystavili rachunak za charčavańnie
Homielskamu aktyvistu Juryju Rubcova, jaki padčas 25-sutačnaha źniavoleńnia ŭ minskim Centry izalacyi pravaparušalnikaŭ trymaŭ haładoŭku, vystaŭleny rachunak za charčavańnie ŭ pamiery 1 młn. 650 tys. rubloŭ, paviedamiŭ pravaabarončy internet-resurs «Homielskaja viasna». Rubcoŭ źviarnuŭsia sa skarhaj u sud Maskoŭskaha rajona stalicy.
«Zajaŭlaju, što ŭ pieršy ž dzień ja padaŭ na imia načalnika zajavu ab abjaŭleńni haładoŭki, ježu ja nie prymaŭ da zakančeńnia terminu aryštu,
adpaviedna, pradjaŭleńnie mnie da vypłaty rachunku ja rasceńvaju jak ździek z boku supracoŭnikaŭ milicyi», - napisaŭ u sud hamialčanin.
Akramia taho, Rubcoŭ čarha sud patrabuje ad milicyi viarnuć jamu majku z nadpisami «Łukašenka, sychodź» i «Aryštujcie mianie. Ja suprać Łukašenki!»
«26 krasavika, ja byŭ zatrymany ŭ Savieckim rajonie Minska supracoŭnikami milicyi, jakija prymusova, suprać majoj voli, źniali futbołku z nadpisami palityčnaha charaktaru, jakaja była kanfiskavana ŭ mianie biez składańnia jakich-niebudź pracesualnych dakumientaŭ», - zajaviŭ aktyvist.
Rubcoŭ byŭ zatrymany 26 krasavika padčas «Čarnobylskaha šlachu». 28 krasavika jaho pryvieźli ŭ sud biez majki, raspranutaha da pojasa, dzie asudzili na 25 sutak administracyjnaha aryštu.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary