Biełaruś pakul zajmaje 3-je miesca na ČS «Tankavy bijatłon — 2014»

4 žniŭnia na padmaskoŭnym palihonie Ałabina pačaŭsia čempijanat śvietu pa tankavym bijatłonie.

U hetych spabornictvach prymajuć udzieł 12 kamand: Anhoły, Armienii, Biełarusi, Vieniesueły, Indyi, Kazachstana, Kyrhyzstana, KNR, Kuviejta, Manholii, Rasii i Sierbii.

Letaś pieršaje miesca ŭ finale zaniaŭ rasijski ekipaž ad Zachodniaj vajennaj akruhi, druhoje — tankisty z Kazachstana, treciaje — ekipaž Respubliki Biełaruś, a čaćviortaje — z Armienii.

Pavialičyć

Płanavałasia, što ŭ finale mižnarodnaha etapu spabornictvaŭ 2014 hoda, akramia pradstaŭnikoŭ SND, voźmuć udzieł i ekipažy ź Vialikabrytanii, Italii, ZŠA, Francyi, FRH, Šviecyi.

Adnak paśla padziej va Ukrainie hetyja krain zajavili ab spynieńni vajennaha supracoŭnictva z Rasijaj. 

I zachodnija krainy, jakija ŭvachodziać u NATA i raniej jakija padali svaje zajaŭki, ad udziełu ŭ spabornictvach admovilisia, paviedamlaje mk.ru.

Pavodle pravił spabornictvaŭ, jak raspaviadaje BiełaPAN, u pieršym etapie turniru pa tankavamu bijatłonie tankistam treba było prajści try kruha pa maršrucie praciahłaściu 7 kiłamietraŭ

Na pieršym učastku maršrutu nieabchodna patrapić u mišeń tanka z adlehłaści ŭ 1.800, 1.700 i 1.600 mietraŭ (adna na vybar) — u sučasnych łakalnych kanfliktach heta mienavita taja adlehłaść, na jakoj adbyvajucca dueli pamiž tankami.

Zatym, prajšoŭšy praź pieraškody, siarod jakich «brod», makiet kalejnaha mosta, «supraćtankavy roŭ» i inšyja, treba źbić «viertalot» ź zienitnaha kulamiota i źniščyć «supraćtankavy hranatamiot».

Za kožny promach pryznačajecca štrafny čas u 60 siekund. Hetak ža, jak i za pamyłki pry pieraadoleńni pieraškod, da prykładu, za spynieńnie pry pieraadoleńni uzhorka.

Vynik ekipaža składajecca z ahulnaha času na prachodžańnie dystancyi i času, dadadzienaha za nievykanańnie naležnych pakazčykaŭ.

Pavodle papiarednich vynikaŭ indyvidualnaj honki, pieršy ekipaž biełaruskaj kamandy vyjšaŭ na 3-je miesca ŭ turnirnaj tablicy siarod kamand 12 krain, sastupiŭšy pradstaŭnikam Rasii i Kazachstana.

Druhi etap — sprynt (3 km) — adbudziecca 8—9 žniŭnia. Treci etap — honka pieraśledu — projdzie 11—12 žniŭnia.

U finale 16 žniŭnia pieršyja 4 kamandy, jakija buduć vyznačanyja pa vynikach troch etapaŭ, voźmuć udzieł ŭ estafiecie. Try ekipažy ad kožnaj zbornaj krainy na adnym tanku (z zamienaj ekipaža) projduć try koła pa 4 kiłamietry.

U dni spabornictvaŭ pracuje ekspazicyja «Dzień inavacyjaŭ Minabarony Rasii — 2014».

• 0
• 0
• 0
• 0
• 0
• 0
• 0
• 0