Na adkryćci vystavy rasijskaha ŭzbrajeńnia robat-android pierarezaŭ stužku łazieram
U dni mižnarodnaha čempijanatu «Tankavy bijatłon-2014» u padmaskoŭnym Ałabinie dla naviedvańnia adčyniłasia ekspazicyja «Dzień inavacyj Minabarony Rasii — 2014».
U 2013 hodzie robat-android pierarezaŭ nažnicami kłasičnuju stužku. Siońnia mietaličnaja stužka była pierarezana łaziernym pramianiom, jakim kiravaŭ taksama robat.
Na vystavie pradstaŭleny rasijskaja bajavaja ekipiroŭka i strałkovaja zbroja novaha pakaleńnia, rabatyzavanyja technika, ekzaškilety i inšyja navinki, paviedamlaje «Rasijskaja hazieta».
Adna ź picierskich kampanij prademanstravała batarejki novaha pakaleńnia, jakija zachoŭvajuć pracazdolnaść ad 10 da 20 hadoŭ. Takija batarejki niezamiennyja ŭ bajavoj ekipiroŭcy, elektronnych prycełach.
U zakrytaj ekspazicyi vystavy pradstaŭlena ekipiroŭka novaha pakaleńnia z mnostvam ubudavanych elektronnych sistem. U novaj amunicyi užyta miakkaja i vielmi tryvałaja brania.
Revalucyja, jak piša «Rasijskaja hazieta» čakajecca ŭ strałkovaj zbroi. Raspracavany i vypraboŭvajecca patron novaha kalibra. Kali ŭsio składziecca, to Rasijskaja armija atrymaje patron z unikalnymi balistyčnymi charaktarystykami, pryčym adzin z samych mahutnych u śviecie.
Taksama ŭpieršyniu byŭ pakazany mahutny kiravany artyleryjski snarad kalibra 152 mm, pryznačany dla suchaputnych artustanovok i marskich artyleryjskich sistem.
U armijach NATA jany ŭžo znajšli svajo prymianieńnie tak zvanyja ekzaškilety. Jany značna palahčajuć pracu na vajskovych składach, u łahistyčnych centrach, dazvalajuć chutka raźbirać zavały, a taksama uzmacniajuć abaronu bajcoŭ padraździaleńniaŭ antyteroru — prykryvajuć ich dadatkovaj branioj.
Pradstaŭleny na vystavie ekzaškilet daje mahčymaść čałavieku siaredniaha rostu i vahi biez asablivych vysiłkaŭ pieranosić hruzy masaj da 100 kh.
Na stendach pradstaŭleny biezekipažnyja katary, aŭtamatyzavanyja padvodnyja i latalnyja aparaty, nievialikija robaty-raźviedčyki, rabatyzavanyja inžyniernyja sistemy i husieničnyja bajavyja mašyny.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary