Alaksandr Łukašenka zapatrabavaŭ pavysić efiektyŭnaść praduchileńnia pažaraŭ va ŭmovach anamalnaj śpioki.
Ab hetym jon zajaviŭ siońnia na naradzie ab mierach pa pažarnaj biaśpiecy lasnoha fondu, ziamiel sielskahaspadarčaha pryznačeńnia i tarfianikaŭ.
«Dziakuj bohu, što ŭ nas nie adbyvajecca taho niaščaścia, jakoje my siońnia bačym u Rasii, Ukrainie i inšych susiednich krainach, dzie bušujuć pažary i davodzicca pryciahvać tysiačy i tysiačy ludziej, vialikuju kolkaść techniki dla ich tušeńnia», — adznačyŭ Alaksandr Łukašenka.
«Nieabchodna zrabić usio mahčymaje, kab dziaržaŭnaja sistema praduchileńnia i likvidacyi nadzvyčajnych situacyj zmahła efiektyŭna supraćstajać usim niehatyŭnym faktaram jak technahiennaha, tak i pryrodnaha charaktaru», — zapatrabavaŭ jon.
Pavodle jaho słoŭ, «samaja hałoŭnaja pryčyna pažaraŭ, hetych bied i niaščaściaŭ — heta ludzi». Tamu treba raspačać maksimum mier pa niedapuščeńni znachodžańnia ludziej u lasach u hety pieryjad.
«Ničoha, pacierpim 7-10 dzion, abydziemsia bieź lasoŭ.
A kali tudy pryjšli, to ni ŭ jakim razie nie z zapałkami, zapalničkami, cyharetami, — padkreśliŭ kiraŭnik dziaržavy. — Patrebien kantrol i jašče raz kantrol».
«Nie daj boh, uspychnie les — budziem marnavać vielizarnyja srodki, jakich siońnia nie chapaje na tušeńnie», — papiaredziŭ Łukašenka.
U chodzie narady była naładžana suviaź sa studyjami va ŭsich abłaściach krainy.
«Hubiernatary znachodziacca na miescach i čujuć nas. I adkaznaść razam z respublikanskimi orhanami pa nadzvyčajnych situacyjach, Uzbrojenymi Siłami, Minlashasam i inšymi buduć nieści na roŭnych i miascovyja orhany ŭłady, — padkreśliŭ Alaksandr Łukašenka. — Usio zaležyć ad ich na miescy. Patrabujcie samaha žorstkaha vykanańnia daručeńniaŭ, pra jakija ja kažu i jakija my vypracujem ŭ vyniku hetaj narady».
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT12
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary