Miesiačnaja norma apadkaŭ vypała ŭ Minsku za apošnija šeść dzion (z 9 pa 14 žniŭnia), śviedčyć praviedzieny BiełaPAN analiz kart resursu nadvorja meteoinfo.by.
U absalutnym vyražeńni ŭ stalicy vypała 81,5 mm apadkaŭ (81,5 litra vady na kvadratny mietr terytoryi) pry žnivieńskaj normie 81 mm. Usiaho z pačatku miesiaca zafiksavana 88,9 apadkaŭ, ci 109,8% miesiačnaj normy. Najbolej mocnyja daždžy prajšli dniom 12 žniŭnia (46 mm) i ŭ noč na 14 žniŭnia (26 mm).
U abłasnych centrach daždžoŭ było značna mienš. U Breście za 14 dzion žniŭnia zarehistravana 38,6 mm apadkaŭ (50,8% miesiačnaj normy), u Hrodnie — 24,8 mm (33,5%), Viciebsku — 23,2 mm (29,7%), Mahilovie — 16,4 mm (21,9%), Homieli — 12 mm (17,9%). Pry hetym u Mahilovie z 21 lipienia pa 8 žniŭnia nie vypała ni kropli daždžu. U Viciebsku z 25 lipienia pa 12 žniŭnia zafiksavana 2,2 mm apadkaŭ, u Homieli z 23 lipienia pa 8 žniŭnia — 1 mm.
14 žniŭnia chałodny front abumoviŭ značny roskid dzionnych maksimumaŭ: ad 22 hradusaŭ u Hrodnie da 34,5 — u Homieli i Vasilevičach.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary