U Minadukacyi raskazali, kali i jak projduć vypusknyja viečary ŭ škołach
Nakont praviadzieńnia vypusknych Minadukacyi stvaryła mietadyčki i adpraviła ŭ škoły.
U škołach vypusknyja viečary projduć 12 červienia. Pra heta paviedamiŭ načalnik hałoŭnaha ŭpraŭleńnia ideałahičnaj, vychavaŭčaj pracy i maładziožnaj palityki Ministerstva adukacyi Viktar Doŭnar, piša sb.by.
Da praviadzieńnia śviata padrychtavany mietadyčnyja rekamiendacyi, raskazaŭ Doŭnar. U ich paznačany padychody da arhanizacyi vypusknych viečaroŭ — ad scenarnych rašeńniaŭ da ŭsich nieabchodnych arhanizacyjnych pytańniaŭ.
— Asnoŭnaj placoŭkaj dla praviadzieńnia vypusknych tradycyjna stanuć škoły. Razam z tym, kali mahčymaści ŭstanovy abmiežavanyja, naprykład z-za vialikaj kolkaści vypusknikoŭ ci asablivaściej zabudovy, mierapryjemstva moža być pieraniesiena ŭ sacyjakulturnyja ŭstanovy. Havorka idzie pra teatry, kinateatry, damy kultury i centry tvorčaści. Takoje rašeńnie prymajecca pa ŭzhadnieńni ź miascovymi vykanaŭčymi orhanami, — udakładniŭ Viktar Doŭnar.
U Ministerstvie adukacyi padkreślivajuć, što vypuskny viečar zastajecca pierš za ŭsio śviatam dla dziaciej. U jaho prahramie praduhledžany ŭračystaja častka i tradycyjny zabaŭlalny błok — dyskateka, konkursy i inšyja aktyŭnaści.
Taksama ŭ miežach śviata moža pravodzicca sustreča śvitanku — jak simvał ustupleńnia vypusknikoŭ u darosłaje žyćcio.
— Zachoŭvajecca i tendencyja praviadzieńnia adzinych vypusknych u miežach rajona ci horada. U minułym hodzie taki farmat byŭ upieršyniu aprabavany ŭ Zavodskim rajonie Minska, a ŭ hetym hodzie płanujecca praviadzieńnie ahulnaharadskich mierapryjemstvaŭ pa rajonach stalicy. Maštabnyja haradskija vypusknyja prachodziać i ŭ rehijonach, — skazaŭ Doŭnar.
U 2026 hodzie škoły zakančvajuć 58 884 adzinaccacikłaśniki.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski26
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary