Sud Maskoŭskaha rajona Minska 25 žniŭnia prysudziŭ aktyvista moładzievaha kryła kampanii «Havary praŭdu» — «Zmiena» Paŭła Vinahradava da 10 sutak administracyjnaha aryštu. Pra heta BiełaPAN paviedamiła jaho žonka Śviatłana Vinahradava.
Vinahradava abvinavacili pa artykule 17.1 Kodeksa ab administracyjnych pravaparušeńniach na padstavie taho, što jon nibyta łajaŭsia matam kala UUS Maskoŭskaha rajona.
Siońnia dniom Vinahradaŭ napisaŭ u sacyjalnaj sietcy Facebook: «Pryjšli mianty. Chočuć, kab dźviery adčyniŭ. A mnie nie chočacca. Damovilisia, što roŭna praź dźvie hadziny vyjdu samastojna. Pajdu z rečami, samo saboj. Byvaj, darahi FB! Ubačymsia praz paru tydniaŭ».
Jak paviedamlałasia raniej, 24 žniŭnia aktyvisty «Zmieny» vyviesili 100 bieł-čyrvona-biełych ściahoŭ u Minsku i Minskim rajonie. Miarkujučy pa pradstaŭlenych Vinahradavym fatahrafijach, ściahi vyviesili na puciepravodach, prypynkach hramadskaha transpartu, u mietro.
«Siońnia, u hety vydatny pachmurny dzień, «Zmiena» vyviesiła 100 ściahoŭ u Miensku i za horadam. Akcyja ni da čaho nie prymierkavanaja, prosta vyrašyli nahadać, što bčb ściah — heta dobraja štuka», — skazaŭ Vinahradaŭ.
Kamientary