Padčas rabočaj pajezdki ŭ Maryupal 8 vieraśnia prezident Ukrainy Piatro Parašenka pravioŭ telefonnuju razmovu z prezidentam Rasii Uładzimiram Pucinym.
«U čas hutarki baki praciahnuli kaardynacyju dziejańniaŭ pa padtrymcy režymu spynieńnia ahniu. Kiraŭniki dziaržaŭ taksama padkreślili važnaść ažyćciaŭleńnia efiektyŭnaha manitorynhu režymu spynieńnia ahniu misijaj ABSIE. Piatro Parašenka i Uładzimir Pucin damovilisia ab praciahu dyjałohu», — paviedamiła pres-słužba ŭkrainskaha kiraŭnika.
Reliz pres-słužby Kramla pavodle vynikaŭ hutarki nie dadaŭ detalaŭ: «Adbyłasia telefonnaja razmova Uładzimira Pucina z prezidenta Ukrainy Piatrom Parašenkam, padčas jakoj praciahnutaje abmierkavańnie krokaŭ, jakija sadziejničajuć mirnamu ŭrehulavańniu situacyi na paŭdniovym uschodzie Ukrainy. Dyjałoh budzie pradoŭžany».
Pratakoł ab spynieńni ahniu byŭ padpisany ŭ Minsku 5 vieraśnia na sustrečy kantaktnaj hrupy pa Ukrainie. Na nastupny dzień Parašenka i Pucin abmierkavali pa telefonie chod vykanańnia pahadnieńnia. «Vykazanaje ŭzajemnaje zadavalnieńnie ŭ suviazi z tym, što bakami kanfliktu ŭ cełym vykonvajecca režym spynieńnia ahniu», — paviedamiła pres-słužba rasijskaha prezidenta.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary