Raśsielhasnahlad iznoŭ abvinavačvaje Biełaruś u kantrabandzie polskaj aharodniny, złaviŭ furu
Zabaronienaja pradukcyja ź ES nadalej traplaje ŭ Rasieju. Pra heta paviedamili ŭ Raśsielhasnahladzie.
«24 kastryčnika aŭtamabil z raślinnaj pradukcyjaj (jabłyki, tamaty, kapusta kviacistaja), vyraščanaj u Polščy, ahulnaj vahaj blizu 20 ton, što jechaŭ ź Biełarusi ŭ Kazachstan u supravadžeńni fitasanitarnaha siertyfikatu, vydadzienaha Hałoŭnaj dziaržaŭnaj inśpiekcyjaj nasieńniavodstva, karancinu i achovy raślin Biełarusi, prajšoŭ praz punkt fitasanitarnaha kantrolu, raźmieščany ŭ Pskoŭskaj vobłaści blizu biełaruska-rasiejskaj miažy, pra što śviedčyć adbitak piačatki ustanovy Raśsielhasnahladu Ćviarskoj i Pskoŭskaj abłaściej na advarotnym baku fitasanitarnaha siertyfikatu», — havorycca ŭ paviedamleńni.
Tryma tolki dniami paźniej, 27 kastryčnika hetaha hoda, niahledziačy na toje, što Pskoŭ i Pietrapaŭłaŭsk padzialaje bolš za try tysiačy kiłamietraŭ, toj ža aŭtamabil, z takim ža asartymientam polskaj pradukcyi, u supravadžeńni taho ž samaha ekzemplaru paznačanaha piačatkaj Raśsielhasnahladu fitasanitarnaha siertyfikatu, pasprabavaŭ zajechać na terytoryju Branskaj vobłaści Rasiei, jak i raniej, «dla nastupnaha tranzitu pradukcyi ŭ Kazachstan».
Jak miarkujuć u Raśsielhasnahladzie, heta śviedčyć ab tym, što pieršaja partyja pradukcyi była razhružanaja na terytoryi Rasiei, paśla čaho mašyna viarnułasia ŭ Polšču za novaj partyjaj «tranzitnaha hruzu».
«Jak parušeńnie praviłaŭ tranzitu, tak i paŭtornaje vykarystańnie fitasanitarnaha siertyfikatu, źjaŭlajucca hrubym parušeńniem mižnarodnaha zakanadaŭstva, zakanadaŭstva Mytnaha sajuza, Rasiei i Biełarusi ŭ halinie karancinu raślin. Hruz zatrymany, viadziecca rasśledavańnie ŭ dačynieńni da ŭdzielnikaŭ schiemy niezakonnaha ŭvozu raślinnaj pradukcyi ŭ Rasieju», — havorycca ŭ paviedamleńni rasiejskaha viedamstva.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary