Ukrainski režysior, jaki vyjšaŭ z rasijskaha pałonu, źniaŭ muzykalny klip «Pach vajny» VIDEA
Viadomy ŭkrainski režysior i aperatar Jarasłaŭ Piłunski, jaki byŭ u pałonie ŭ Krymie, kali Rasija zachapiła paŭvyspu, źniaŭ kranalnaje videa na pieśniu ŭkrainskaha hurtu «TIK», paviedamiŭ zaxid.net.
Klip, jaki pakazvaje, jak cyvilnyja vałanciory dapamahajuć žaŭnieram na froncie, byŭ apublikavany ŭ internecie.
«Hetaje videa my pryśviačajem nie tolki vajskoŭcam, jakija kožnuju chvilinu ryzykujuć svaim žyćciom dziela abarony našaj krainy, kožnaha z nas, ale i vałancioram, jakija ryzykujuć nie mieńš. Sapraŭdnym hierojam, jakija viazuć nie tolki samaje nieabchodnaje, ale i takija važnyja słovy padtrymki ad zusim nieznajomych ludziej z usioj krainy», — skazaŭ lidar hurta «TIK» Viktar Braniuk.
Antyŭkrainskija siły nieadnarazova brali ŭ pałon i pahražali nie tolki vajskoŭcam, ale i dabraachvotnikam, jakija na svaje hrošy źbirajuć i advoziać sałdatam na front vopratku, miedykamienty, ježu.
10 śniežnia ŭ Adesie byŭ vybucham źniščany ofis adnoj z vałanciorskich arhanizacyj. Uzbudžanaja kryminalnaja sprava pa artykule «Terarystyčny akt».
Kamientary