Украінскі рэжысёр, які выйшаў з расійскага палону, зняў музыкальны кліп «Пах вайны» ВІДЭА
Вядомы ўкраінскі рэжысёр і апэратар Яраслаў Пілунскі, які быў у палоне ў Крыме, калі Расія захапіла паўвыспу, зняў кранальнае відэа на песню ўкраінскага гурту «ТІК», паведаміў zaxid.net.
Кліп, які паказвае, як цывільныя валанцёры дапамагаюць жаўнерам на фронце, быў апублікаваны ў інтэрнэце.
«Гэтае відэа мы прысвячаем не толькі вайскоўцам, якія кожную хвіліну рызыкуюць сваім жыццём дзеля абароны нашай краіны, кожнага з нас, але і валанцёрам, якія рызыкуюць не меньш. Сапраўдным героям, якія вязуць не толькі самае неабходнае, але і такія важныя словы падтрымкі ад зусім незнаёмых людзей з усёй краіны», — сказаў лідар гурта «ТІК» Віктар Бранюк.
Антыўкраінскія сілы неаднаразова бралі ў палон і пагражалі не толькі вайскоўцам, але і дабраахвотнікам, якія на свае грошы збіраюць і адвозяць салдатам на фронт вопратку, медыкаменты, ежу.
10 снежня ў Адэсе быў выбухам знішчаны офіс адной з валанцёрскіх арганізацый. Узбуджаная крымінальная справа па артыкуле «Тэрарыстычны акт».
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары