Nacbank Biełarusi, jaki rekamiendavaŭ u śniežni 2014 hoda kambankam strymlivać rost kredytnaha partfiela da 1 lutaha 2015-ha, nie płanuje padaŭžać dziejańnie hetaj rekamiendacyi, paviedamili ŭ Nacbanku.
«Heta rašeńnie prymałasia ŭ składzie kompleksu stabilizacyjnych mier i mieła časovy charaktar. Padaŭžać jaho dziejańnie paśla 1 lutaha nie płanujecca, — adznačyli ŭ Nacbanku. — Razam z tym prapanavańnie hrošaj u ekanomicy budzie abmiažoŭvacca instrumientami manietarnaj palityki takim čynam, kab abjomy kredytavańnia nie parušali makraekanamičnuju zbałansavanaść i finansavuju stabilnaść. U cełym za 2015 hod pryrost patrabavańniaŭ bankaŭ da ekanomiki prahnazujecca ŭ miežach 17-22 pracentaŭ u zaležnaści ad raźvićcia situacyi».
U častcy kredytavańnia dziaržaŭnych prahram uradam i Nacyjanalnym bankam pryniata rašeńnie ab finansavańni novych prajektaŭ praź śpiecyjalna stvorany dla hetych met instytut — Bank raźvićcia.
«Kamiercyjnaje kredytavańnie budzie ažyćciaŭlacca bankami. Ale resursy buduć nakiroŭvacca vyklučna na finansavańnie efiektyŭnych prajektaŭ, z vysokaj addačaj. Hetamu pytańniu Nacyjanalny bank budzie ŭdzialać asablivuju ŭvahu», — padkreślili ŭ Nacbanku.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak30
Kamientary