U pres-centry štaba ATA paviedamili, što situacyja ŭ Debalcava nadzvyčaj składanaja, ale akružeńnia sił ATA voraham niama. U Hienštabie zajavili, što bajeviki šturmujuć Debalcava, pad ich kantrolem užo častka horada, Debalcava faktyčna znachodzicca ŭ akružeńni.
Reuters.com
Situacyja pad viečar nadzvyčaj składanaja. Peŭnuju častku horada kantralujuć niezakonnyja ŭzbrojenyja farmiravańni. Jany šturmavymi hrupami pry padtrymcy braniavanaj techniki i artyleryi atakujuć našy pazicyi. Praciahvajucca vuličnyja bai. Padraździaleńni Uzbrojenych Sił Ukrainy i inšyja vajskovyja farmavańni ažyćciaŭlajuć manieŭr padraździaleńniami i ahniom, i robiać usio mahčymaje, kab strymać ahresiju terarystaŭ», — skazaŭ načalnik pres-centra štaba ATA Alaksandr Matuzianik.
«Fakt tak zvanaha «katła» nie paćviardžajecca, jość adpaviednyja darohi, adpaviednyja kanały, pa jakich bajcam u Debalcavie pradastaŭlajecca usio nieabchodnaje», — padkreśliŭ načalnik pres-centra štaba ATA.
U toj ža čas, v.a. načalnika pres-słužby Hienštaba Uładzisłaŭ Sielaźnioŭ taksama raspavioŭ pra situacyju ŭ Debalcavie.
«Idzie šturm bazavaha łahiera sił ATA. Bajaieiki atakujuć z artyleryi, braniatechniki, praciahvajucca vuličnyja bai. Faktyčna častka horada znachodzicca pad kantrolem bajevikoŭ. Inšuju kantralujuć siły ATA», - skazaŭ jon.
Akramia taho, pa słovach Sielaźniova, adzin z kanvojaŭ, jaki išoŭ u akružeńnie, byŭ raźbity.
«Kanvoj raźbili. Chłopcy patrapili ŭ pałon. Bajeviki ŭžo pačali kampaniju, što ludzi zdalisia dobraachvotna. Ale heta niapraŭda. Jany patrapili ŭ pałon padčas boju», - raspavioŭ Sielaźnioŭ.
U toj ža čas, adzin z ukrainskich bajcoŭ skazaŭ, što jany znachodziacca ŭ akružeńni.
«My ŭ akružeńni, da nas nichto nie prabiŭsia», — raspavioŭ bajec.
«Situacyja vielmi drennaja, my znachodzimsia ŭ błakadzie. Darohi žyćcia niama», — paviedamiŭ inšy bajec.
U toj ža čas namieśnik načalnika HU MUS Danieckaj vobłaści Illa Kiva paćvierdziŭ infarmacyju ab tym, što bajeviki pravodziać začystki ŭ častcy Debalcava.
«Bajeviki pahłybilisia ŭ horad, pa častcy horada pravodziać začystki. Nam usio składaniej i składaniej stanovicca ŭtrymlivać našy pazicyi. Voś kožnaja chvilina ŭ minus nam», - paviedamiŭ jon u efiry «5 kanała» pa telefonie.
«My albo pavinny paŭnavartasna acanić situacyju i dać mahčymaść artyleryi pracavać bieśpierabojna, što daść mahčymaść adciaśnić bajevikoŭ ad našych pazicyj … Bo, nu, my ŭžo pracujem i ź imi vajujem u pramym kantakcie», - skazaŭ Kiva.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary