New York Post raspavioŭ, jak hrek paspračaŭsia ź biełaruskaj pra imia dziciaci
Michaił ci Śpirydon? Chutčej, Michaił — Śpirydona naŭrad ci padtrymajuć 100 tysiač čałaviek.
U ńju-jorkskim rajonie Kuins siamiejnaja para bjecca jak Sparta z Afinami za imia syna, piša New York Post.
37-hadovy Nikałas Saŭkieras z Hrecyi prapanuje nazvać dzicia Śpirydonam u honar svajho baćki, jaho 33-hadovaja žonka Ksienija z Maładziečna — Michaiłam u honar svajho.
Para damoviłasia: kali anłajn-pietycyja za Śpirydona źbiare 100 tysiač podpisaŭ, dzicia nazavuć tak.
Syn Nikałasa i Ksienii maje naradzicca ŭ žniŭni. Ale naŭrad ci navat da taho času nabiarecca dastatkova podpisaŭ: pakul za Śpirydona padpisalisia tolki 2 tysiačy čałaviek.
«Ja nie chaču nazyvać majo dzicia imiem, jakoje i vymavić-ta nie mahu», — kaža Ksienija.
Nikałas ža śćviardžaje, što žončyna «ruskaje vucha» prosta niazvykłaje da «miłahučnych imion Hrecyi», bo jana žyła siarod «varvarskich imion kštałtu Arman, Osip, Ihar, Ruryk, Rusłan, Arciom, Vadzim i Zoran». Da taho ž, u Nikałasa imia Michaił asacyjujecca z zorkaj «b-movie» Mišaj Bartan, jakaja zdymałasia ŭ, naprykład, «Zabojcy zombi: Mohiłki słanoŭ».
Pietycyja pačałasia jak žart, dy i ličba 100 tysiač była ŭziataja žartam — kala 100 tysiač žyvie ŭ rodnym horadzie Ksienii, Maładziečnie.
Z hierojami materyjału źviazaŭsia Onliner.by. Jak raspaviała Ksienija, paśla publikacyi ŭ New York Post da siamji pryjazdžali telekanały NBC i ABC, muž byŭ na radyjo. Času na ŭsie intervju ŭ pary nie chapaje — abodva pracujuć jak zvyčajny siaredni kłas.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary