30 krasavika na rachunak Ministerstva finansaŭ pastupili srodki dziaržaŭnaha finansavaha kredytu pamieram 6,2 młrd rasijskich rubloŭ.
Jak paviedamlaje pres-słužba Minfina, hrošy pastupili ŭ adpaviednaści z pahadnieńniem ad 27 sakavika 2015 h. pamiž uradami dźviuch krain ab pradastaŭleńni Biełarusi dziaržaŭnaha finansavaha kredytu. Dakumientam praduhledžvałasia pradastaŭleńnie biełaruskamu ŭradu «finansavych resursaŭ u rasijskich rublach na sumu, ekvivalentnuju 110 młn dalaraŭ ZŠA, terminam na 10 hadoŭ, uklučajučy čatyrochhadovy lhotny pieryjad».
Jak raniej paviedamlałasia, dziaržaŭny doŭh Biełarusi na 1 krasavika 2015 hoda skłaŭ 236,1 trłn. rubloŭ.
Jon pavialičyŭsia ŭ paraŭnańni z pačatkam hoda na 38,6 trłn. rubloŭ, abo na 19,6%. Pry hetym źniešni dziarždoŭh skłaŭ 12,3 młrd dalaraŭ ZŠA, jon źmienšyŭsia z pačatku hoda na 262,3 młn dalaraŭ ZŠA, abo na 2,1% (z ulikam kursavych roźnic).
U studzieni—sakaviku 2015 hoda pryciahnutyja źniešnija dziaržaŭnyja pazyki na 136 młn dalaraŭ ZŠA: 89,3 młn dalaraŭ — urada i bankaŭ Rasijskaj Fiederacyi; 44,7 młn dalaraŭ — bankaŭ KNR; 2 młn dalaraŭ — Mižnarodnaha banka rekanstrukcyi i raźvićcia (MBRR).
Pahašeńnie źniešniaha dziaržaŭnaha doŭhu z pačatku 2015 skłała 310 młn. dalaraŭ ZŠA:
75 młn dalaraŭ — urad Rasijskaj Fiederacyi; 75,9 młn — Mižnarodny valutny fond; 88,3 młn — Antykryzisny fond JeŭrAzES; 64,7 młn — banki KNR; 5,4 młn — MBRR; 0,7 młn — ZŠA.
Unutrany dziaržaŭny doŭh pa stanie na 1 krasavika skłaŭ 54,5 trłn rubloŭ, jon pavialičyŭsia z pačatku hoda na 6,1 trłn rubloŭ, abo na 12,6% (z ulikam kursavych roźnic).
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»88
Kamientary