Kalehija pa ekanamičnych spravach Viarchoŭnaha suda Biełarusi 21 žniŭnia pryniała rašeńnie pryznać ZAT «Delta Bank» bankrutam i adkryć u dačynieńni da jaho likvidacyjnuju vytvorčaść, jakaja pavinna być zavieršanaja da 21 śniežnia 2016 hoda. Da 1 vieraśnia 2015 hoda sudu pavinna być padadzienaje zaklučeńnie ab adsutnaści niesapraŭdnaha abo naŭmysnaha bankructva.
Jak paviedamiŭ sudu namieśnik hienieralnaha dyrektara Ahienctva pa harantavanym kampiensavańni bankaŭskich układaŭ fizičnych asob — kiraŭnika ŭ spravie ab ekanamičnaj niepłaciežazdolnaści ZAT «Delta Bank» Alaksandr Piadźko, ahulnaja suma patrabavańniaŭ, vystaŭlenych banku, składaje 2,7 trłn. rubloŭ u pieravodzie na nacyjanalnuju valutu, u tym liku 1,6 trłn. — pazačarhovyja patrabavańni.
Aktyvy banka aceńvajucca ŭ 1,9 trłn. rubloŭ, ruchomaja i nieruchomaja majomaść — u 177 młrd.
Piadźko paviedamiŭ, što ŭ suviazi z dazvołam Nacbanka nabyvać valutu «Delta Bank» robić heta nievialikimi tranšami praz bank «Maskva-Minsk» i na siońnia ŭžo nabyŭ 30,5 młn. dołaraŭ. Hetyja srodki buduć nakiravanyja na pahašeńnie valutnaj zavinavačanaści. U Nacbanku znachodzicca 157 młrd. rubloŭ «Delta Banka», bolš za 6 młn. jeŭra, 32 młn. dołaraŭ i 55 młn. rasijskich rubloŭ.
Piadźko vykazaŭ mierkavańnie, što likvidacyja banka pry vykanańni im usich svaich abaviazacielstvaŭ mahčymaja i raniej za pryznačany sudom termin. Asnoŭnaja chvala zvalnieńniaŭ płanujecca na kastryčnik-listapad hetaha hoda.
Nacyjanalny bank Biełarusi ŭvioŭ u ZAT «Delta Bank» časovuju administracyi pa jaho kiravańni 12 sakavika 2015 hoda. Hetaja miera była pryniataja na padstavie analizu pakazčykaŭ biahučaj dziejnaści bankaŭskaj ustanovy na fonie niehatyŭnych padziej, što adbyvajucca ŭ AT «Delta Bank» (Ukraina), u tym liku źviazanych z pryznańniem jaho niepłaciežazdolnym. 18 sakavika Nacbank adklikaŭ licenziju ŭ «Delta Banka» z-za nievykanańnia im patrabavańnia pa vieličyni narmatyŭnaha kapitału. Taksama Nacbank pastaviŭ «Delta Banku» ŭ vinu stvareńnie «finansavaha stanovišča, jakoje paciahnuła nievykanańnie bankam svaich abaviazacielstvaŭ pierad układčykami i inšymi kredytorami».
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary