Zamiežnaja zapazyčanaść Biełarusi vyrasła za 2007 hod na 6 miljardaŭ dalaraŭ. Pra heta paviedamlajecca ŭ statystyčnaj spravazdačy Nacyjanalnaha banku. Heta rekordny rost pazykaŭ za ŭsiu historyju Biełarusi.
Zamiežnaja zapazyčanaść Biełarusi vyrasła za 2007 hod na 6 miljardaŭ dalaraŭ. Pra heta paviedamlajecca ŭ statystyčnaj spravazdačy Nacyjanalnaha banku. Heta rekordny rost pazykaŭ za ŭsiu historyju Biełarusi.
Sukupnaja zamiežnaja zapazyčanaść Biełarusi na 1 studzienia 2008 hodu skłała $12,719 młrd, vyrasła za 2007 hod na 87,4 % (na $5,932 młrd), paviedamlajecca ŭ statystyčnaj spravazdačy Nacyjanalnaha banku.
Heta rekordny rost pazykaŭ za ŭsiu historyju Biełarusi. Jaho pryčynaj było žadańnie zachavać uzrovień dachodaŭ nasielnictva i ekanamičnaha rostu va ŭmovach pavyšeńnia cenaŭ na rasiejskija haz i naftu.
Za IV kvartał zamiežnaja zapazyčanaść vyrasła na 33,1 %, u III kvartale — na 3,8 %, u II kvartale — na 15,9 % i za I kvartał — na 17 %.
U struktury zamiežnaha doŭhu zapazyčanaść orhanaŭ dziaržaŭnaha kiravańnia (urad) za hod vyrasła ŭ 3,5 raza da $2,036 młrd. Uvieś abjom zamiežnaha doŭhu ŭradu — doŭhaterminovyja pazyki.
Zamiežny doŭh Nacbanku na 1 studzienia 2008 hodu skłaŭ $590,9 młn (u tym liku doŭhaterminovy doŭh $240 młn) suprać $0,7 młn na 1 studzienia 2007 hodu.
Zamiežnaja zapazyčanaść kamercyjnych bankaŭ za 2007 hod vyrasła na 72,9 % da $2,571 młrd. U jaje składzie dola doŭhaterminovych zamiežnych pazyk pamienšała da 42,2 % z 48,5 %.
Zamiežny doŭh niefinansavych sektaraŭ ekanomiki ŭzros na 59,5 % da $6,965 młrd. U jaho składzie dola doŭhaterminovych pazyk pavodle vynikaŭ 2007 hodu źniziłasia da 18,8 % z 19,3 % u 2006 hodzie.
Zapazyčanaść pierad pramymi investarami za 2007 hod vyrasła na 63 % da $556,4 młn.
Kamientary