Staršynia SBU Vasil Hrycak zajaviŭ, što pravaachoŭniki rasśledujuć spravu ab šmatmiljonnych kradziažach u sietcy supiermarkietaŭ Rynata Achmietava.
Pra heta jon skazaŭ na sumiesnym z HPU bryfinhu ŭ paniadziełak.
«Ja chaču pryciahnuć vašu ŭvahu da faktu, jaki čamuści zastaŭsia pa-za polem zroku, 30 kastryčnika biahučaha hoda ŭ horadzie Dnieprapiatroŭsku, to bok, za dzień da praviadzieńnia šyrokamaštabnaj apieracyi, byŭ praviedzieny šerah śledča-apieratyŭnych dziejańniaŭ, pieratrusaŭ. U pryvatnaści, adnosna struktury, jakaja ź biudžetu skrała 26,7 miljona hryŭniaŭ, a taksama minimizavała padatkaŭ na pryblizna 500 miljonaŭ hryŭniaŭ», — zajaviŭ Hrycak.
«Niadrennaja suma, kali ŭličyć, što havorka idzie pra sietku viadomych supiermarkietaŭ pad nazvaj «Bruśnička». Z kim jana afilavanaja, dumaju, vam budzie nieskładana razabracca», — dadaŭ kiraŭnik SBU.
Sietku supiermarkietaŭ «Bruśnička» źviazvajuć z danieckim aliharcham Rynatam Achmietavym. Raniej jana pracavała i na akupavanych terytoryjach.
Kamientary