Soty raz u pieršy kłas! Pačynajecca akcyja da 100-hodździa biełaruskaj škoły
Soty raz u pieršy kłas! Zhurtavańnie biełarusaŭ śvietu «Baćkaŭščyna», Sajuz biełaruskich piśmieńnikaŭ i baskietbolny kłub «Cmoki-Minsk» u miežach hramadskaj kulturnickaj kampanii «Budźma biełarusami!» abviaščajuć akcyju, pryśviečanuju 100-hodździu biełaruskaj lehalnaj škoły!
13 listapada 1915 hoda ŭ Vilni była zasnavanaja pieršaja aficyjnaja biełaruskaja škoła, jakaja dała lehalny pačatak masavamu biełaruskamu školnictvu. Mienavita hetaja data ŭ mižvajennaj Zachodniaj Biełarusi i ŭ BSSR u 1920-ja hady śviatkavałasia jak Dzień biełaruskaj škoły.
U miežach akcyi «Soty raz u pieršy kłas!» płanujucca raznastajnyja aktyŭnaści i mierapryjemstvy ŭ internecie i realnym žyćci. Inicyjatary akcyi prapanujuć supolna abmierkavać stan biełaruskaha školnictva ŭčora i siońnia, parazvažać nad tym, što źmianiłasia za 100 hadoŭ isnavańnia biełaruskaj škoły, i pašukać adkaz na pytańnie, čamu tak mała našych suajčyńnikaŭ abiraje dla svaich dzietak navučańnie pa-biełarusku.
U haradach i miastečkach pa ŭsioj Biełarusi adbuducca sustrečy, padčas jakich viadomyja ajčynnyja litaratary, spartoŭcy, hramadskija dziejačy raskažuć pra słavutych biełarusaŭ, što stajali la vytokaŭ nacyjanalnaj škoły, – Ałaizu Paškievič, Maksima Bahdanoviča, Jakuba Kołasa, Janku Kupału, Vincenta Dunina-Marcinkieviča i inšych znakavych postaciaŭ biełaruskaha adradžeńnia.
Ideja akcyi nieabyjakavaja i vam? Majecie kreatyŭnyja prapanovy? Pišycie nam na [email protected] i [email protected].
Sačycie za navinami na sajtach arhanizataraŭ i dałučajciesia da akcyi!
Zrobim razam škołu biełaruskaj!
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć36
Kamientary