Šumčanka zahadaŭ vyvieści Makajeva z forumu pradprymalnikaŭ za zaklik da praviadzieńnia mitynhu pratestu
Pradprymalnika i hramadskaha aktyvista Alaksandra Makajeva vyvieli z zały, dzie prachodzić forum indyvidualnych pradprymalnikaŭ.
Bolš za tysiaču pradprymalnikaŭ sabralisia na antykryzisny forum u haścinicy «Biełaruś».
U zale bušavali straści.
Śviatłana Kałačova z Homiela ad «imia ŭsich IP» źviarnułasia da Łukašenki «jak da kiraŭnika našaj dziaržavy».
«U našaj krainie vialikaja prablema, tolki vy možacie jaje vyrašyć. My, indyvidualnyja pradprymalniki, nie možam ździajśniać ad 1 studzienia svaju dziejnaść. U nas niama mahčymaści pierachodzić na novuju sistemu. Jak možna paraŭnoŭvać supiermarkiety i indyvidualnych pradprymalnikaŭ. IPešniki zastalisia biez srodkaŭ. Vam niavierna čynoŭniki pradstaŭlajuć infarmacyju. Kamu vyhadna sutykać vaš narod z uładaj? Alaksandr Ryhoravič, umiašajciesia ŭ situacyju. Pačujcie nas, kali łaska», — u kancy vystupa Kałačova padniała svoj biełaruski pašpart.
Pradprymalnik ź Minska Alaksandr Makajeŭ prapanavaŭ dziejničać bolš rašuča i 18 studzienia pravieści mitynh pratestu na Kastryčnickaj płoščy. U adkaz Anatol Šumčanka prapanavaŭ vyvieści Makajeva z zały, ludzi zahudzieli ŭ znak zhody.
Dužyja mužyki pajšli heta vykonvać.
«Heta podła», — skazaŭ Šumčanka.
Mužčyna z zały vyhuknuŭ: «U faje vialikaja kolkaść pravakataraŭ, jakija zaklikajuć na vulicu. Heta robicca pad karcinku».
Šumčanka adkazvaje: «Nu dyk niachaj jany sami i iduć». «Heta pravakatary i padonki», — dabaviŭ Šumčanka.
Jak ahienty biełaruskaha HRU ŭkaranilisia ŭ apazicyju: novaje rasśledavańnie2
Kamientary