Alaksandr Łukašenka vystupaje za stvareńnie poŭnamaštabnaj dahavorna-pravavoj bazy supracoŭnictva z Tajłandam. Ab hetym kiraŭnik biełaruskaj dziaržavy zajaviŭ siońnia na sustrečy ź vice-premjeram — ministram abarony Tajłanda Pravitam Vanhsuvanam.
Kiraŭnik Biełarusi sa škadavańniem kanstatavaŭ adsutnaść poŭnamaštabnaj jurydyčnaj asnovy, dahavorna-pravavoj bazy dvuchbakovaha supracoŭnictva. Na peŭnym uzroŭni jana, zrešty, isnuje. «Ja b skazaŭ, isnuje na ŭzroŭni davieru», - adznačyŭ Alaksandr Łukašenka.
Tak, u Biełarusi nikoli nie było pytańniaŭ da partnioraŭ u Tajłandzie, roŭna jak i tajłandski bok nie mieŭ pretenzij da biełarusaŭ. «Heta dobra, ale treba farmavać dahavorna-pravavuju bazu», - padkreśliŭ kiraŭnik dziaržavy. Jon daručyŭ stvaryć sumiesnuju mižuradavuju kamisiju dla prapracoŭki kankretnych pytańniaŭ supracoŭnictva z Tajłandam. Alaksandr Łukašenka vykazaŭ upeŭnienaść, što vizit vysokaha hościa pasłužyć pačatkam farmiravańnia nieabchodnaj dahavorna-pravavoj bazy, i prapanavaŭ jamu ŭnosić svaje prapanovy nakont novych napramkaŭ supracoŭnictva.
«Zakrytych tem pa supracoŭnictvie z Tajłandam u nas niama. My hatovyja damaŭlacca pa ŭsich napramkach, pa jakich vy chacieli b supracoŭničać ź Biełaruśsiu, — pradoŭžyŭ Łukašenka. — My vielmi surjozna možam supracoŭničać z vami i dasiahać vielmi vysokaha ŭzroŭniu tavaraabarotu».
Alaksandr Łukašenka padkreśliŭ, što biełaruski bok «zrobić usio dla taho, kab zadavolić zapyty Tajłanda pa lubym kirunku». Śpiektr šyroki: ad navučańnia kadraŭ vajskovych i hramadzianskich śpiecyjalnaściach da ŭzajemnych pastavak tavaraŭ.
Ciapier čytajuć
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?2
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary